बुर्लुंबुथुर दैमानि साहा सेर-सेर
बुर्लुंबुथुर दैमानि साहा सेर-सेर: A Collection of BODO Poems Book Written By SRI JWNGSAR
BORO, Village New Islampur, PO+PS: Kachugaon, Pin: 783350, Dist: Kokrajhar,
BODOLAND and Published By… Publishers.
9859065187
jwngsarboro28@gmail.com
©® Author
Edition
2019
DTP:
Cover:
Price :
ISBN :
बिजाब मोनग्रा खुलि:
बिजाब सेबखांसालि :
लिरगिरिनि फंनैसो
दुलाराय बर' राव-थुनलाइखौ सिबिगिरि अनसायगिरि साफ्रोम फरायगिरि, बिजिरगिरि मानाव गेदेमा लिरगिरि, गोदान लिरगिरि, लाइमोन लिरगिरि साफ्रोमबोनिसिम आंनि गंग्लायनायखौ उन्दैनो अन्नाय देरसिननो सिबिनायखौ बावहरबाय लोगोसे आं गावखौनो सिमान जाखायोदि आं सासे गोख्रों लिरगिरि थुनलाइगिरि,खन्थाइगिरि नङा इयुननि जानानै आंबो गोदान लाइमोन लिरगिरि । "बुर्लुंबुथुर दैमानि साहा सेर-सेर " खन्थाइ बिजाबआ आंनो आं गावनो सुजुनाय गासै 67 दों खन्थाइखौ जथायै बिजाबनि महर होनाय आरो बिजाबनि गेजेराव बियो आंनि नैथि बिजाब फोसाव जानाय । सिगाङाव आं दों 10 सुंद' सल'फोरखौ जथायै गांसे " गलामनि मोदै " मुङाव सुंद' सल' बिजाबखौ 9 मार्च दाननि 2019 इं मायथाइयाव फोसावखांबाय ।
आंखौ बिजाब लिरनो थुलुंगाखां होनाय सुंद' सल', खन्थाइ बायदि बायदि आयदाखौ लानानै बिजाबनि महर होनो गोसोखौ राफोद खालामनाय आंगोनि असे बिदा नङाब्लाबो बर' बिमानि फिसा कक्राझार जिल्लानि साखाथि आवदां बाजार 6 नं बासबारि गामिनि आदा निजोम मुसाहारीखौ आं गिबियावनो मान होनानै साबायखरखौ बावगोरो । जाय बिदानि अनसुला अनफावरि गोसोआ आंखौ आंनि जिउआव गिबि गिबि बिजाब लिरनो थाखाय हाजासे हेफाजाब, मदद होगिरि अनगिरि, जाय बिदाया आंनो गलामनि मोदै सुंद' सल' बिजाबखौ दिहुन्नो थाखाय 19 रोजा रां आंनो अनसुंथाय होगिरि आरो आदानि बे बेबायदि अनफावरि गोसोनि गेजेरजोंनो दिनै फिन आरोबाव नैथि बिजाबनि महरा जोनोम मोननो खाबु मोनबावदों , बिजों लोगो-लोगोनो आंनि बिजाब दिहुनगोन होन्नायखौ मोजां मोन्नानै कचुगाँव UN
Academy नि गोरायुं मानगोनां सार सुसान्थ' नार्जारिआबो 3 रोजा आंनि "गलामनि मोदै " सुंद' सल' बिजाबखौ फोसावनो थाखाय अनसुंथाय हरो। गिबि दिहुनजानाय आंनि बिजाबा फोसाव जाग्रो मोना मार्च दानावनो गिबि फोसावनाय "गलामनि मोदै" सुंद' सल' बिजाबआ 15/16 साननि गेजेरावनो आंनि बिजाबा जोबो आंनि बिजाबखौ बयबो अनसायो।
मानगोनां राव-थुनलाइखौ सिबिग्रा बिजाब
फरायनो मोजां मोनग्रा साफ्रोम राइजो-राजाफोरनि आंखौ जोबनो गैयै
थुलुंगाखां होनायाबो दिनै आंनि मोनसे
गोजौ बिफाङाव गाखोनो
थाखाय गंसे मै
जांख्ला । जायनि जाउनाव
आं दिनै फिन
आरोबाव थुनलाइ मुलुगनि फोथाराव हाल
एवनो खाबु मोन्नानै गरनैसो
बेगरजों आबाद फोनो हाबावदों आरो
बे बेगरनि आबादजोंनो आं
आसा खालामदों एसेब्लाबो बे
बेगरा गेरेमसा महर
लागोन।
मानगोनां थुनलाइ बिजिरगिरि सार… आंनि बे "बुर्लुंबुथुर दैमानि साहा सेर-सेर " खन्थाइ बिजाबखौ गावनि थोब्ले-माब्ले बेसेनगोसा समखौ दोन्थ'नानैब्लाबो गावनि सानदांथि,मोन्दांथि ,गोसोनि सानस्रिजों बान गोनां सोदोबफोरजों खन्थाइफोरखौ बिजिरनानै हरनायनि थाखाय आंनि गोसो गोरबोजों सिबिनाय खुलुमनायजों लोगोसे आंखौ हाजासे हेफाजाब आरो थुलुंगाखां होनायनि थाखाय रोजा-रोजा साबायखरखौ बावहारबाय। आं सानाखैमोनदि खन्थाइनि महराव जानाय नङा बायलुं गोसो गिलुं गोसोजों बिजाबखौ दिहुननो सान्दोंमोन नाथाय गेदेमानि बिजिरथाइनि गेजेरजों थारैनो खन्थाइनि महराव दं । बे बिजाबनि बिखं महरनि सावगारिखौ बोगिरि आदा खुंगुर बर'निसिमबो आंखौ हेफाजाब होनायनि थाखाय साबायखर बावहरबाय लोगोसेनो आंनि बिजाबखौ सेबखांगिरि…
Printers नि साफ्रोम मावथि हानजा आदामोननिसिमबो रोजा रोजा साबायखरखौ बावहारबाय।
जोबथारनायाव दुलाराय राव-थुनलाइ सिबियारि अनसायगिरि साफ्रोम फरायगिरिनिसिम आंनि बे " बुर्लुंबुथुर दैमानि साहा सेर-सेर" खन्थाइ बिजाबखौ गोथार गोसो गोरबोजों बयनिबो आखायाव बावहरबाय । मोन्थिस्लाबै बबेबा खलबआव सोदोब गोरोन्थि जाफ्लांदोंब्ला आं लिरगिरि जानानै बयनिसिमबो निमाहा बिबाय आरो गोरोन्थि जालांनायफोरखौ आसि थुयै-थुयै खिन्थानानै होगोन होन्नानै मिजिंथिबाय । बर' राव थुनलाइखौ सिबिलांनायनि असिलायै अराय गोजोर जागोननि मिजिंजों अबंलावरिनिसिम आर'ज गाबनानै आंनि सुंद' लिरथिखौ एसेयावनो दोन्थ'बाय। गोजोन्थों ।
नोंथांमोनि फोथायजाथाव
जोंसार बर'
निउ इस्लामफुर (कचुगाँव)
खालार : 27 मार्च 2019
नायखां बिलाइ
1. मोनाबिलिनि देंखो
2. हे फोरोंगिरि
3. बड’लेण्डनि जों फाग्ला
4. नै आइयै बर’ बिमा
5. बावगारलांनो हानाय नङा जोहोलाव
6. गैया आखायाव
7. बावलांबाय नामा बिग्रायारि लोगोफोर
8. जानजि खाफ्रा बोलो फोरा
9. अनसुलि नों आंनि गोरबोनि
10. हासार जानांबाय नोंसोर दिनै
11. आयलि-जायलि
12. खबाम गैयै देंखो
13. सिफुं
14. आइनि फाव आइनि गोदै राव
15. बेसेबांदि सुदेम बिमानि राव
16. दाहुगारसै आइयै मेगननि मोदै
17. मिथिंगानि बिखायाव थाखोमानानै
18. साया-माया नुफा-माफा
19. आइनि मोदै
20. नों जेब्ला गाबगोन
21. गाबै-गाबै मिनिनाय सोलों
22. बिखा सौवै-सौवै
23. मुंख्लंफोरा बुंहरदों हनै
24. सैमानङा जों
25.दागाबसै आइयै-आफा
26.आर’ज
27.जोहोलाव नोंसोर
28.सिखारदो
29.हारि अनफावरिमोन नों जोहोलाव
30.नै जोहोलाव
31. उदांस्रि
32.जोंनि बर’ हारिमु
33.बुर्लुंबुथुरनि साहा थानाय
34.बर’ हारि
35.गिजि नखौ
36.नागारलांनांबाय नोंसोर
37.जांख्रिखां
38.बड’लेण्डनि सेंग्रा आं
39.औआ बिजौ सिफुंनि देंखोजों
40.बायलुं गोसो दाजा जोहोलाव
41. नै आइयै बर बिमा
42.हिनजाव माहारि जुलि जानोसैब्ला
43.हाबिला (Acrostic)
44.नों जेब्ला गाबगोन
45.बेनो जोंनि जोनोमफुरि
46.सुथुर नङामोन
47.बिखायाव जं खुबैनानै गालांबाय
48.गां दङ'मोनब्ला
49.आइयैलै आं दै गांदों
50.आइयै फिसा
51. हे मेंनो रोङै बड’फा नों
52.खोन्दोथाम लिमारिक
53.माबोरै गावस्रालांखो दिनै
54.मानो बिदि जालांखो गावजों गाव एना-एनि
55.फोरमायना लानो सानै सानैनो
56.गोसो लोरबां दाजा जोहोलाव
57.बिग्रायारि लोगोफोर
58.आसारनि दुब्लियाव
59.दैनि महर
60.बेनो संसार
61. जिउनि लोगो नागिरै नागिरै
62.मोदै हुगारै-हुगारै सानसे जै जागोन
63.आं जोहोलाव
64.साथा गंसेयाव जों सानैजों
65.गोजाननि हाजोआ समायना
66.थाखो-थाखो सना
67.गाबै-गाबै मिनिनाय सोलों
...............................................................................................
मोनाबिलिनि देंखो
से, नै, थाम गथ 'आ फरायदों
अ, आ, क, ख, सोरगिदिं देंखो रिंखांदों
बर ' फिसाया बिमानि राव सोलोंदों;
स्रि स्राय निजोम समाव
खोमसि-दरसि मोनाबिलियाव
बयबो गोसो होदों फरायनाय बे बुब्लियाव ॥५
दे सोलोंनि आइनि राव
दे सिनायनि बिमानि हांखो
दंङ जोंहा बिमानि खौरां हांखो गारां हांखो
आंगो असे बिमानि राव हांखो ।।
मोनाबिलिखौ बराय हरदों गथ गथायआ
दावसिन-दावलाया खोना संदों सिरि-सिरियै
खुसेंग्राया मोजां मोन्ना दामदों सिफुं
आय हाबाब एब्मुआबो हनै खाम दामदों
बिमाया न ' सिंङाव थिंथ'-थिंथ ' जथा दामदों
हनै हाबाब सांग्रेमायाबो मोले-मोले लायट गावनानै होदों
बेसे मोजां-बेसे गोजोन बे बुब्लिया बुंस ' हाया
सारि-सारि, लारि-लारि गोदै रैसुमै गारांजों
से, नै, अ, आ, क, ख, देंखोजों
मेथाइ रोजाबनाय, देंखो बोनाय बेसेदि समायना
मोनाबिलिनि समा ।
हे फोरोंगिरि
( गोजोन फोरोंगिरि साननि समाव)
सिबियो मान बावो जेब्लायबो
बिबारनि गिब होनानै अरायबो
ँड° सरबेपलि राधाकृष्णनि सावगारिखौ
गोसो गोरबोआव दोन्नानै
धूप-धुना आलारि बाथि सावनानै
गोथार दैजों थुलुसि सान्थि सारनानै
गियाननि गुदि दिक्षानि गिरि
आय बिमा स्वराश्वथिनि महर
नोंसोर फोरोंगिरि ।
नोंसोर नङाबोला रावबो रोङा
नोंसोर गैयाबोला सोलोंथाइनि गियाना
रावनावबो साफिया
नोंसोर नङाबोला गियान गैया
नोंसोर नङाबोला गुन गोनां सोलोंथाइ
रावबो-जेरावबो लानो हानाय नङा
हे फोरोंगिरि नोंसोसिनो गियाननि ज्वथि
आय बिमा स्वाराश्वथी।
मा होन्नानै दिनै आं नोंसिनो मान होबावनो
गैया आखायाव मुनि मुगथा
नोंसिनो होनो
नोंसोरखौ गोजोन होनो
रोंबोबाय राबोबाय नोंसिनि गारामा हज्रि-हज्रि
गुसथि रानखांलायनाय बुजायना गियान सोनायाव
30/45 मिनिट नोंसिनि हब्रानायाव
खोमा फारनैजों खोना संनानै
थायनै मेगनजों नायनानै
गोसो मोनसेजों गोसो होनानै
गावखौनो गाव बावसोम नानै
दुखु थाबाय आंहा नोंसिनो जेबो होनो हालिया
हे फोरोंगिरि
जिउ दिङानि लामा दिन्थिगिरि
थेवबो नै फोरोंगुरु आंनि मोनसेल' आर'ज
आं नोंसिनो जेबो होनो हायाब्लाबो
बे खन्थाइखौनो
नोंसिनो गोसो गोथारै ओंथि गोनां गोयैब्लाबो
मान होनायजों लोगोसे
सुंद' लिरथिखौनो एसे
गोथार गोसोजों
आं बावहरबाय ।
" बड'लेण्डनि जों फाग्ला "
हा....हा...हा....
बड'लेण्डनि जों फाग्ला
बुं जोंखौ गोब्रामनाय
बुं जोंखौ आवनायनाय,
थेवबो मोनसेल'सिमां मोनसेल' थांखि
बेनो जादों जोंनि सनानि बड'लेण्ड,
बड'लेण्ड, बड'लेण्ड बड'लेण्ड
नांगौ जोंनो बड'लेण्ड
फाग्ला जाबाय जों बड'लेण्डनि थाखाय
जावलिया जाबाय जों बड'लेण्डनि थाखाय,
निन गैलिया जों बड'लेण्डनि थाखाय
सिमां मोखथां गोब्रामबाय थासै जों
बड'लेण्ड, बड'लेण्ड ;
नंगौ जों थारैनो बड'लेण्डनि फाग्ला जाबाय
रोजा-रोजा बर' बिग्रायारिफोर मुंख्लं
हाजासे जालांनांबाय
रोजा-रोजा बर' बिमानि मेग'नाव मोदै
हाजासे बोहैनांबाय
बड'लेण्ड, बड'लेण्ड
नांगौ जोंनो बड'लेण्ड
बड'लेण्डनि जों फाग्ला ।
बड'फानि गोथार सिमां
बड'फानि गोथार थांखि
जों खौसेसै जाफुं होगोन
बड'लेण्डनि जों फाग्ला जाबाय,
फाग्ला जायाखैमोनबा जों दिनै
रेल लामा,राजा लामा, सुबुं गौमा
हज्रिख्रावनाय नङामोन
थारैनो जों बड'लेण्डनि फाग्ला
WE WANT BODOLAND
GLORY ! TO THE BODO RACE GLORY .
नै आइयै बर' बिमा
आलाइ-सिलाइ गोथै बारिआव
आयलि-जायलि खानाइ बिलाइ लाना
रावबो गोयै दरसिसि जायगायाव
नै आइयै बर' बिमा मोदै रुखु-रुखु
दागाबसै नों आइयै
हज्रि-हज्रि दागाबसै
गोथै बारियाव गाबनानैलाय नों आइयै
आदाखौ बहा जों मोनफिनबावनो,
आयलि-जायलि फाग्लिबादि जानानैलाय नों आइयै
नोंनि जिउनि फिसाखौ जों बहा मोनबावनो ;
साना फैसालिआव थांबाय आइयै
फैदो न'आव थांफिनदिनि |
अ' आइयै गोसो गोरबो बिखायाव
दुखुनि थफ्लाखौ नों बिखुङाव
दाबासै आइयै
लेर-लेर दाबासै ;
नै नों आइयै बर' बिमा जोनोमगिरि
नोंनि फिसाया हारिनि थाखायसो मुंख्लं जादों
नै नों आइयै अनसुलि खांगिरि-बागिरि
नोंनि फिसानि मुङा दाबो हारिनि गेजेराव
जोंथि जोंनाय अलंबार हाथ'रखिबादि
मुलुग संसार बुहुम बिखायाव
अरायबो जोंसार जानानै दं आइयै
खोमसिसि नैबे बहरुफि जायगायाव
अरायबो जोंनानै दं ।
नै आइयै बर' बिमा जोनोमगिरि
नोंनि मेग'नाव गनाय गोजों मोदैखौ
आदानि गोजा दुंब्रुद बिखानि थै बावलांनायखौ
अनसुलि नों बिमानि फिसा जोहोलावनि
आद्रा थालांनाय थांखिखौ
जों मोखथांमहरै जेब्लाबो
खौसेयै जाफुं होगोन आइयै ;
फै जों खौसे जानानै
बर' बिमानि मेग'नाव ग'नाय मोदैखौ
अनज्लायनायनि थार
अहिंसानि मोन्थोरजों हुगारनि ||
" बावगारलांनो हानाय
नङा जोहोलाव "
मेंनाय गैया जासे
बानाय गैया लासे
नोंनि हारिसिबिलांनाय
मा बिखायै बावगार हानो
नोंनि अनसायनाय
आय' जोहोलाव......... !
गोसोआव फैयोब्लानो मोदै बोहैयो
सोरबा रायखांबानो बिखाया गावो
बावनानै थांङाखै जोहोलाव
नोंखौ दाबोनो
गाबज्रियो नोंखौ मुंख्लं खाम्पायाव
नै जोहोलाव
हारि समाजखौ फोजाखांनो
नाजानायावनो
अबथिरा अबंनि गेलेनायाव
मोदाय महरैबुहुम बिखानिफ्राय
आनज्रायलांनांबाय नों
निखावरि नखराव जोनोम लानानै
नाजाथाबदोंमोन नों हारि सिबिलांनो
सिमां सुजुदोंमोन नों
बेसेबांबा गिदिर
बर हारिया जेरैथिंबो रैखाथि मोन्नो
बड'लेण्ड राज्योनि थांखि ।
बबे सोर्गोआव थांखोनों जोहोलाव
बबे राय्जोआव थांखो
नोंखौनो अरायबो गोसो खांङो,
बावगारलांनो हानाय नङा जोहोलाव ।
" गैया आखायाव "
नै आफा सलमागिरि
नोंनिनो आं सिस्व थुनलाइगिरि
गैआ आखायाव मुनि मुखता
नोंनो गानहोनो
दंङसै जोंहा मेगनआव मोदैनि बाना
गाबनानैलाय जों बहा मोनबावनो
सुजुबाय आं आफा बिफां-लायफांनि
गोमो-गोजा, गोथां गाबनि
समायना-रमायना
हालि-हालि माला बिबारनि
नोंनो गानहोनो
गोजोन्दो नों आफाल बिजोंनो ॥
दुखु दाहाजों लोगोसे होलांबाय नों
थुनलाइनि बागानाव बेगर
जौगाखांनो रोङै हारि माहारिखौ
फोजाखांलांबायनों सल' सल'माजों
गोग्गो गियाननि सान्थौजों
नै आफा खुलुमदों नोंखौनो
नोंनि मुंख्लं खाम्पायाव
गैया आखायाव जोंहा नोंनो होनो
थोजासे गोजोन्नाय
तेवबो नै आफा बावबाय नोंनो मिथिंगानि
हालि-हालि माला बिबारनि
बेजेंनो गोजोन्दो ॥
ना : गो : जाय सुबुङा सल’ सल’मानि बिफा रुंसारि चितरनजन मुसाहारी गेदेमानिसिम बावबाय।
बावलांबाय नामा बिग्रायारि लोगोफोर ?
देरा गिजि न'आव
हामा-दैमा हरै फैसालियाव
बर बिमाया गाबनांनायखौ
बर बिर फिसाया मुंख्लं जालांनायखौ
सुजित नारजारिनि गोजा र 'र' थै गनायखौ
बावलांबाय नामा बिग्रायारि लोगोफोर
गिलु-बालु थैनि बाना बोहैनायखौ ?
गहपुरनि गिलु-बालु गोथै हाफावनि हज्रिखावनायखौ
गोसोआव गैलिया नामा बड'फाखौ
बावलांबाय नामा बड'फानि हज्रिखावनायखौ
अनसायनाय गैलिया नामा गावनि बिमाखौ
रैखाथि लाखिनो गोसो गैलिया नामा गावनि नखरखौ ?
बावलांबाय नामा बिग्रायारि लोगोफोर
बड'फानि बोथिसे ओंखाम जानो सम मोनलायै
हारि माहारि सिबिलांनायखौ ?
लोरबां जालांबाय नामा रांनि थफ्लायाव
बायलुं गोसो जालांबाय नामा राजखान्थिनि दैदेननायाव ?
खबरदार बिग्रायारि लोगोफोर
खबरदार जांख्रिखांगिरि जोहोलावफोर
गावजों-गाव बिबदि दाजा
गावनि बिमाखौ जों दिनैसिम
सुखु गोजोनै बे बुब्लिसिम
बोथिसे ओंखाम गोजोनै जाहोनो हायाखै
मिनि खुसियै लाखिनो हायाखै ।
दिनैनि बे समा बिखा फोरदाननानै
जानजियाव जि खाफ्रानानै
हारि माहारिखौ रैखाथि लाखिनो
बर बिमाखौ मुलुगाव मोखां फोजोंनो
नों दानागार आं दानागार
खौसेथिनि बोलोजों
जांख्रिथाइनि दोंसे लामाजों
बयबो उदांस्रिनि अहिंसा
दावहाथिलिसिम आवगायनो नांसिगौ
बरनि बिफा बड'फानि गोथार सिमांखौ
मोगथां महर होनो नांसिगौ
फै बयबो खौसेथिनि लामाजों
फै बयबो अनज्लायनायनि गेजेरजों
फै बयबो हानजा-हानजा
जै बर ' हारिनि
जै बडलेण्डनि
जोंनो नांथारसिगौ उदां बडलेण्ड राज्योखौ
जोंनो नांथारसिगौ ॥
सहायनो हाया जों गुबुनजों नासय जानो
थानो हाया जों मालायजों गादबनानै दोनजानो
फै बयबो जांख्रिखांनि
हज्रिखाव-हज्रिखाव बडलेण्ड ॥
जानजि खाफ्रा-बोलो फोरा
नै बुर्लंबुथुर दैमानि
साहा गंगार हाजोसिम थानाय
नौ नारि गोथां बर फिसाफोर
जानजि खाफ्रा-बोलो फोरा
बिखा फोरदान,
आख्राया बुगदाव
दाथा नोंसोर मालायनि सिं जानानै
दोनजानो दानागिर नोंसोर गादबनानै
मानो गावजों गाव एना-एना जादों नोंसोर
हारिखौ फोजाखां,
गासैबो जांख्रिखां
गोग्लैसोना थानायखौ
बयबो बोखां
बिमानि मेगनाव गनाय मोदैखौ
बयबो हुगार
नोंनि आंनि सान्नायखौ
बयबो गार
गावजों गाव एरसन-एरब्रखौ
बयबो बावगार ।
है हा है हा बिखा फोरदान-जानजि खाफ्रा
हारिखौ रैखाथि लाखिनो
हारिखौ गेरेमसा महर होनो
बर बिमाखौ आलो गोजोन दोननो
जानजि खाफ्रा-बोलो फोरा
दानांलाय रावजोंबो
दाखमब्लाय रावजोंबो
अन्नानै थालाय बयजोंबो
गोजोन्नायखौ ला बयजोंबो
दाजा एना-एनि रावबो रावजोंबो
जोंहा दं राव-थुनलाइ
धोरोम आसारखान्थि, नेमखान्थि
खालिबोल नांगौ जोंनो गेरेमसा नखर
दंङ जों दासिमबो देरा गिजियाव
थानानै दं दासिमबो जों बायला-जिलायाव
गुन सुग्रा एम्फौ गुनजेरा हनै
बिखौनो आरोबाव सिरि-सिरि अरखोमाबोगासिनो
बिनिखायनो......
बिखा फोरदान्नानै
जानजि खाफ्रा-फोलो फोरा
हारिखौ उदांस्रि होनो
गेरेमसा महर हारि दानो
जै बर हारिनि
जै बर बिमानि
जै जै ॥
अनसुलि नों आंनि गोरबोनि
दुखु दाहा हांमा हांसाफोरखौ ज्राब बावगारनानै
सुखु-दुखुनि जिउ दिङाखौ जावबोनानै
बुहुमाव जोनोम होबाय नों आंखौ आयै
दाहा दंमोनब्लाबो दुखु दंमोनब्लाबो
अनसुलि नों आंनि गोरबोनि आयै ;
खांबाय नों आंखौ मोस्रोम मोज्लाय जोसि-जोसि
फेदेरबाय नों आंखौ दावदै बिदै बायदि बायसि-बायसि
आंनि नों आयै अनसुलि बिमा जोनोमगिरि
जिउनि मोदाय नों आंनि खांगिरि-बागिरि
जोनोम-जोनोम जुगे-जुगे नोंङो आंनि
थैस'-थांस' जिउ जोनोमनि अरायबोनि
बावगारलाङा आयै नोंनि फोरोंनाय
दुखु खस्थजों आंखौ नों लामा दिनथिनाय
बुहुमाव आंखौ मेगन बेखेवनाय
जिउ जोनोमाव नोंनि गाबनांनाय ।
नों बिमाखौ गोजोन होनायानो आंनि बिबान
नोंखौ खांफिननांगौ बाफिननांगौआबो आंनिनो बिबान
बोरायब्ला, बुरिब्ला जायो नोंसोरलाय गथ गोरलैजों समान
अनसुलि आयै नों आंनि गोरबोनि
बावनो हाया आं नोंसोरखौ जिउ जोनोमनि ॥
हासार जानांबाय नोंसोर दिनै
बर'-राव, थुनलाइखौ फोथांनो नाजानायाव
आंगो बिमानि रावखौ रैखाथि होनायाव
जानानै थांबाय हाजासे मुंख्लं
बरनि बिर जोहोलाव-जोहोलावजोफोर
मेंनाय-बानाय गैया जासे हाबा मावदोंमोन
गाव बोथिसे ओंखाम जानो सम मोनलायै
दान्दिसे उन्दुनो सम मोनलायै
सान-हर सिमां नुदोंमोन
हारि थांना थानायनि थाखाय
समाज जौगानायनि थाखाय
बिमा राव रैखाथिनि थाखाय
सोरगिदिं बिथिङाव जौगानायनि थाखाय
जानांबाय बिसोर दिनै हासार ;
आगानसेबो फावसयफिननाय गोयै
मोदोम एसेबो मावनाय गोयै
गिनाय गैया जासे
दावगालांदों आगानसे
गिलु-बालु जुजिदों सरखारजों
गाव हारिनि हेंथा फोरजों
सोरजिनो थाखाय फरायसालियाव बर' बिजों ;
अहिंसानि गोहो-बोलो नोंसिनि नाजानायावनो
गारामा रानख्रांलायनाय नोंसिनि हज्रिखावनायावनो
हारिया दिनै थांना थाबाय
फरायसालियाव बर' बिजों गनाय जाबाय
18 मे खालाराव गोथार बर बिजों सान सोरजि जाबाय
जानानै थांबाय नोंसोर दिनै बेखौ सोरजिनायाव मुंख्लं
नोंसोर दिनै हासार जानांबाय
हाजों गोरोबफानांबाय
नुवाखिसै नोंसोरखौ दिनै नोंनि इयुन जोलैआ
नुबायल नोंनि सावगारि मुंख्लं खाम्फायाव
मिथिबायल नोंसिनो बिहोमा होलांनाय
लिरनानैल दोनजाबाय सनानि जारिमिनाव रोखा-रोखा
बोहैबाय मेगननि मोदै नोंसिनि मुंख्लं खाम्फायाव ॥
जों सोलोंगोन बिमानि राव
जों फोथांगोन बर' राव
जोंसार होगोन जों बे भुमाव आंगो बर राव थुनलाइ
गोसार होगोन जों बे मुलुगाव नोंसिनि थांखि
हे गेदेमा मुंख्लंफोर
जिउनि आमाय थुखलफोर
सिबियो नोंसोरखौ दिनै मुंख्लं जादोंब्लाबो
बर हारिनिफ्राय गोमोर लांदोंब्लाबो
हाजों लोगोसे हासार जानांदोंब्लाबो
सोरगो राज्योआव थानानै नोंसोर दिनै जोंखौ
नोंसिनि इयुन जोलैनि फिसा-फिसौफोरखौ
हाजासे हेफाजाब हरबाय था
बर राव गेवलांथों
बर बिजों थांनानै थाथों
बर थुनलाइ जौगाथों
जै बर हारि माहारिनि जै ॥
आइलि-जायलि
आइयै.... आइयै.....
अ’... आइयै
मानो थादों नों आइलि-जायलियै
मानो गाबदों नों आलाइ-सिलाइयै
आइयै.... आइयै.....
अ’... आइयै
दाथासै नों बिबदि आइयै दाथासै
दागाबसै नों बिबदि आइयै दागाबसै
आदाया मुंख्लं जालांबाय आइयै
हारिनि थाखाय जिउ दान होलांबाय
बिखा फोरदाननानै जिउ बावलांबाय
दाथासै नों आइलि-जायलियै
दाथासै नों आलाय-सिलायै
नोंनि फिसाया हारिनि थाखायसो जिउ होलांदों
आदानि जिउआ हारिनि थाखायसो मुंख्लं जालांदों
दाबोनो दङ' आइयै नोंनि फिसानि मुङा
हारिनि गेजेराव जोंसार जानानै
हारिनि अलंबार हाथर्खि जानानै
दागाबसै नों मोदै रुखु-रुखु
दालासै मुंख्लं जानायखौ लाना गोर्बोआव दुखु
नों बिबदि जाबाय थायोब्ला
नों बिबदि गाब्बाय थायोब्ला
आंनि जिउ-सोलेर गोसोआबो
थेर-बेथेर बायफ्लेलांजोबगोन
अ’. आइयै ।
फैदो गिजि देरायाव सनानि नखर सुजुफिनदिनि
अनलायनानै राज्यो जाफिनदिनि
आदानि सिमांखौ मोखथाङाव जाफुं होनो
बर हारिखौ गेरेमसा महर होनो
दे आइयै दागाबसै
आदानि जिउमाखौ गोजोन होनोसै ;
नै बर' हारि आइखौ लांफैद'
सिखारनो रोङाखिसै बोखांनो फैद'
गावजों गावसो बोलो फोरादों मानो
नंनायबो नङैबो जुजिलायदों मानो
दाजा नोंसोर बिबदि
फैदो बर' बिमाखौ रैखाथि होनो
नों दानागार आं दानागार ॥
ख'बाम गोयै देंखो
हब्रा-हब्रा देंखोनि गारांखौ दिनै सोर बोदों
आलावरि-बिलावरि रिनदाव-रिनसि
ख'बाम गोयै देंखोखौ दिनै सोर रोजाबदों ?
खोनायोल' खोमाजों खोनाफा-माफा
नुयोल' थायनै मेगनजों साया-माया नुफा-माफा
आय' हाबाब मा एसेबांदि बोदोर बावलि
खोनाबाथाइ खोना संनो हाया
नुनो मोनबाथाइ थावरिना थानो हाया
जायखौ रोजाबदों ख'बाम गोयै देंखो
आसार-सावोन दाननि अखा जुब-जुब
थायनै बेरस्रां मेग'नाव बोहैयाब्ला थानो हाखाया ;
आय' हनै बर' बिमाया दिनै देंखो बदों
हां मोनख' आ मोनख'आ दिनै मेथाइ रोजाबदों
आसार, सावोननि अखा खोरोमनायजों
ख'बाम गोयै देंखो
आलावरि-बिलावरि सानदुं थिखा-थिखि
मोदैनि बानाजों रिनदाव-रिनसि
गोरोब होनो नाजादों बिमाया खबाम गोयै देंखोजों
आलासि-सिलाय जालांनाय गावनि फिसाफोरखौ
नाथाय बर' हारि दाबोनो खोना सङाखै बिमानि देंखो
खोना सङाखै बिमानि मेथाइ रोजाबनाय
हुगारनो नाजायाखै बिमानि मेगनाव दै बोहैनाय
महाभारतसो सोमजिदों दिनै गावजों गाव
नाथाय बिमाया रोजाबदों दिनै
गोदाव-सोराव गिजि देरायाव
ख'बाम गोयै देंखो ॥
" सिफुं "
औवा बिजौनिफ्राइ
जोनोम मोन्नाय नों सिफुं
आय' मा एसे गोदै
मा एसे मिलौदो मेहेरगोनां नोंनि देंखो सिफुं
खनसे खोनाब्लानो
खनसे दामफ्लांबानो
गोजोन गोयै गोसो गोर्बो बिखाखौ
थाजिम खालामोनो हायो नोंनि देंखोआ
महराव नायोब्ला नुयो नोंखौ लावथि ,गन बायदि
नाथाइ नोंनि महरा सुबुं माहारिखौ
गोसो गोजोन होनो हानाय गुन गोनां
जादु बादि महर नों सिफुं ;
आय' सिफुं बरायो नोंजोंनो
गेदेमा सुबुं माहारिखौ
हायला-हुयला मोसाग्लांनानै बागुरुमबा देंखोजों ।
जेबोला बेलासि समाव
गोजोन सुदेम बारा बारग्लांनायजों
नों सिफुंनि देंखो रिंखांनायजों
बर' माहारिनि गामिया
नोंनि मिलौदो गोदै देंखो रिंखांनायाव
बेसे मोजां समायदों
बेसे मोजां रमायसिनदों
आंगो बर' जोनोमपुरि गामिआ ।
बर' हारिनि गुबै सिनायथि नों सिफुं
बर' हारिनि गुबै महर नों
नों नङाबोला
नों गैयाबोला
गैया जोंहा हारिनि सिनायथि
आय' सिफुं नोंनो जोंनि
बर' हारिनि सिनस्रि
हारिनि आयना
बर' महारिनि गुबै सिनायथि
हारिमु नों सिफुं
गोसोआ गुद मावखाङो
सिफुं नोंनि देंखो रिनदाव-रिनसि खोनाब्लानो
जेबोला फैलाव गुवार सोमखोर फोथाराव
नों सिफुं नि देंखो
रिनदाव- रिनसि रिंखांनायजों
हायला-हुयला बेरे ,सिखिरिबादि
लाइमोन बर' सिख्लाफोरा मोसाग्लाङो
अबोला बयबो रंजाखाङो
गोसोआ बोदोर बावलि जायो
गावखौनो बावगोमा लाङो
बर' गामिनि राय्जो-राजाफोरा हांखुर जायो
नायनो नोंनि महरजों बोनाय
मिलौदो देंखो रिंखांनायखौ ।
सिफुं...! आंनि मोनसेल' आर'ज
जेबोला आं बे सोमखोर मिथिंगाजों समायफ्लेनाय
बहुरुफि मुलुग संसार बुहुम बिखानिफ्रइ आनज्राय लाङो
अबोला नों सिफुंनि खनसे देंखो रिंखां हो
आंनि जिउ बरग'लांनाय सोलेरा
गोजोन मोनगोन सिफुं ।
आइनि फाव आइनि गोदै राव
जोनोमनि उनाव आइनि महर नुबाय
गिबियैनो आइनि राव खोनाबाय
दांनाय-बिलिरनाय बिमानि फाव नुबाय
जेब्ला आं गाबो एङा-एङा बुरखाय बायबाइ
आय' माएसेदि माहि मा एसेबांदि रैसुमै
आइनि फाव आइनि गोदै राव ;
खांबाय-बाबाय फेदेरबोबाय
मोस्रोम-मोज्लाइ जोसि-जोसि जोथोन लाबाय
गावनि रावखौ फोरोंबाय
बिमानि रावखौ आं रोंबाय
सोर फिसाया बावगार हानो
बिमाखौ माब्रै नेवसि हानो
बिमानि गोदै रैसुमै राव बिमानि फाव
बाबु-बाबु, नानि-नानि, सना-सना
आय' खोनाब्लानो बोदोर जायो
दे फराय फिसा दे लिर फिसा
अ' आ, क' ख, ा, ि, ी
आइयै अनसुलि नों आंनि गोर्बोनि
खांगोन-बाफिनगोन आंबो नोंसोरखौ जिउ जोनोमनि
बावगार हाया आइनि फाव
नेवसि हाया आइनि गोदै रैसुमै राव ।
बेसेबांदि सुदेम बिमानि राव
आइनि महर
आइनि आखु,
आइनि राव
आइनि फेसन,
आइनि बिलिरनाय
आइनि अन्नाय,
बेसेबांदि सुदेम
बेसेबांदि गुरै
बिमानि राव,
बेसेबांदि गोदै
आइनि राव ;
बिमा बायदि अनसुलि रावबो गैया
आइबादि जोथोन लाग्रा संसाराव मोन्नो थाङा
जोनोम जोनोम जुगे-जुगे
गले-गले खनले-खनले
बिमा जों अनसाय जानो मोन्थों
आलो-आलो गोजोनै
बिमाखौ आंबो सिबिनो जेब्लायबो मोन्थों ;
बिमानि अन्नाया जेब्लायबो जुदा
बिफानि अन्नाया अरायबो आलदा
बिमा-बिफा सानैखौ लाना भुहुमनि महर
सिबिगोन बिमा-बिफा अरायबो सान-हर ।
दाहुगारसै आइयै मेगननि मोदै
सिबिनो रोंलिया आइयै नोंखौ
अनसायनो रोंखालिया बिमाखौ
मादि आब्रा फिसा आय' नोंनि
खांदोंमोन-बादोंमोन
फेदेरदोंमोन-फोलावदोंमोन
आंगो फिसा होन्नानै गावनि
नाथाय आथिं, आखाय रानानै
गोरों-गोरा जाग' नानै
बिमानि सायाव गावखौ गंसंथानो हानानै
खालामबाय बिमाखौसो उल्था आलासि-सिलाय
सिबिनो रोंखालिया आइयै नोंखौ
दाहुगारसै मेगननि मोदै
गैलिया दिनै बिमानि खुगायाव राव बेरे मोदै ;
गावनि हारिखौ सिबिनो रोंलिया
गावनि बिमाखौ नायसननो रोंलिया
गावनि हारि हादरखौनो रैखाथि होलिया
आरोलाय मा सोर बिमाखौ सिबि बावगोन
सोर बिमाखौ जोथोन लाबावगोन
दाहुगारसै आइयै मेगननि मोदै
दारोजाबसै दुखुनि देंखो
सोरगिदिं गावनि हारिखौनो गाव नारसिनबाय
गावनि हारियानो बोखांफिननो नाजाबाय
मा मुलामफा जाखो
दिनै मा खोनानो मोनखो
गावजों गाव सेर फारला सुदों
गावखौनो बाख्नायना लादों
मेल मिथिं थावोन सहर
बलेर' सखरपिअ' लाना सान हर
सि सि इनाय बानाय
खुगायावल' गोदै बुंनाय
बिमाखौ नुआखै गाबनांनाय
दागाबसै आइयै अख्रा फिसाखौ लाना
थादोल' गोरबो बिखायाव दुखु दाहाखौ बजबना
आब्रा फिसा सिनायनो रोंखालिया नोंखौ आइयै
दाहुगारसै मेगननि मोदै ॥
मिथिंगानिबिखायावथाखोमानानै
सानखिसान
हरखिहर
मिथिंगानिबिखायाव
मिथिंगानिआन्दोआव
थाखोमा-थाखोमा
बर'निफिसाआगोमा
बोसोर-बोसोरबारग'लांबाय
रोजा-रोजाजिउबावलांनांबाय
आय' बर' निबिग्रायारिहानजा
जोहोलाव-जोहोलावजो
हाजासेमुंख्लं
आय' जालांनांबाय
गोरबोबिखायाव
थोजासेदाहा
आय' होलांनांबाय
सुथुरनिनोजोरजोंनायजानांबाय
हारिखौसोउदांखालामनोनाजादोंमोन
इनाय-बानायअन्नायगोयै
खास्रि-बिस्रिगावथारजानांबाय
मिथिंगानिबिखायावथाखोमानानै
थाखोमाब्लाबोआंगोमोनलिया
आय' बर'निबिग्रायारिहानजा
आवलुरिबर' बिमानिफिसा ;
हाजोहायेनबांलादेश, मियानमार
साॺना, भुटान, नेफाल
जाहारबारिआय' थाखोमानोजायगागैलिया
सानहरनागिरबायजासै
जानोसुगगैया
लोंनोसुगगैया
गांहाबउखैहाब
बोथिसेओंखामरसानांहाब
आय' नोंसोरहाउन्दुनोबोनिनगैलिया
बर' बिमानिबोरनोंसिनावनांथोंसै
आनानगसाइआनोंसोरनोबोरसारस्रिहरथोंसै
बर' हारिनिजानानैनोंसोरनोआर'जगाब्बाय
नोंसिनिसान्नायाजेब्लायबोजाफुंथों
सुथुरनिनोजोरनिफ्राइबारग'नोहाथों
बर' हारिखौउदांश्रीखालामनोसान्नायाजाफुंथों
नैनोंसोरहारिनिउदांश्रीहास्थायसुला-हास्थायसुलि
आलारिबाथिसावनानैनोंसोरनिसिमआर'ज
बुहुमबिखायावजेब्लायबोनोंसोरजोंसारजाथों
हारिनिगेजेरावअलंबारहाथर्खिजानानैथाथों॥
" साया-मायानुफा-माफा "
उदांस्रिहास्थायनानै
दङ' अरनगेजेरावथाखोमानानै
बड'लेण्डबिग्रायारिजोहोलावहानजा
सान-हरहाग्रा-बंग्रा
हारिखौनायग्रा-बेंग्रा
हादरखौसिबिग्रामोजांमोनग्रा
ओंखामउखैहाबरसानांहाब
दैगांहाबगारामारानखांहाब
ओनदुनायगोयैनिनगोयै
थाद'नायगोयैजिरायनायगोयै
सुथुरनिनोजोरजोंनायजायै ;
दङ' बिहाजिउनिअनजालि
दङ' बिहानखरसंसारजराजुलि
नाथाय........!
जोनोमहादरखौगोजोनहास्थायनानै
दङ' अनजालिनिगोजानजानानै
खाथियावमोननोलुबैयोमोननोथाङा
गोसोआबिहाअरायसोराङा
नुबायबायोआलाइ-सिलाइ
साया-माया, नुफा-माफा
सिमां-हामांरायदावफ्लाङोखोनाफा-माफा
आय' जोहोलावहांमादाजादुखुदाजा
सानसेगोसोनिसान्नायाजाफुंगोनगाजा-गोमजा
दङ' नोंखौनेनानैबिबारनिमालासाजायना
हारिनिगामसा, आर'नाइफालिदाना
नोंखौसाजायनोनोंखौबरायनो
बर' बोराइनिदामग्राआगजु
काम, सिफुं, जथा, गंगोना, जाबख्रिंलाना ;
बायलुंगोसोदाजाजोहोलाव
लोरबांगोसोदाजा
सानसेजाफुंसारजागोनबर' निउदांस्रि
दङ' हारियानोंसोरजोंनोअरायबो।
जैबर' हारिनि
जैबर' जोहोलाव-जोहोलावजोनि
जैNDFB बिग्रायारिहानजानि
जैबड'लेण्डनि।।
आयनि मोदै
बिग्रायारि लोगोफोर नुदोंना
आयनि गाबनाय..!
बेसेबांदि दुखुनि थफ्ला गिलिद बिबानखौ
दाबो बर बिमाया बजबना लानांगासिनो दं ?
बिग्रायारि लोगोफोर
आयनि मोदै आइनि गाबनाय
माबोरै सहायनानै थानो हागोन ?
बिग्रायारि लोगोफोर
हाया-हाया जों
माब्लाबाबोसहायनानै
थानो हाया
गोथार थांखि जों
गोथार सिमां जों
बड'फानि बड'लेण्ड सोरजिनायनि मिजिंखौ
जों अरायबो जाफुंहोनो खौसेयै नाजालांनांगोन
बर' बिमानि मेग'नाव गनाय
दैमुनि दै बोहैनाय बादि
र'र' बोहै गानो रोंयै मोदैखौ
जोंसान्दुं जानानै
गोथार थांखिजों रानहोनो नांगोन
नङाब्लाजों फाब नांगोन
बर' बिमानिगोरबो आव जोनोम मोन्नानै
गाव बिमाखौआलाय सिलाय खालामोब्ला
इयुनावजानांगोन
लामानि बिबायारि महरै ।
आइनि मोदै....
साप्रोमबो बर'बिमानि मेग'नाव नुसै
दुखुनि मोदैजों मेगना सिग्लाबजोबनाय
बबे फिसाया बेखौ नुनानै
आलाय-सिलाय खालामनोसानखो?
मा गोसोयै मा बिखायै
खबरदार बिग्रायारि लोगोफोर
बिदिखालामनो मोन्नाय नङा।
नों जेब्ला गाबगोन......
आइयै.....
आइयै......
फुवा-फुवा दैमु निजिरा दै बायदि
र' र' बोहैग्लायनाय
नों बिमानि थायनै मेग'नाव दै नुब्ला
नों बिमा मोदैनि आलिया बायफ्रुलांब्ला
आंनि बिखायाबो थेर-बेथेर बायफ्लेयो आइयै
नों जेब्ला रिनदाव रिनसि गाबगोन
दुखुनि मोदैया आंनावबो बोहैग्लायगोन !
माखासे नों बिमानि आब्रा फिसा आइयै
गावनि हारिखौ गावनि बिमाखौ
जेबो अनखांनो गोसो गैलिया
नाथाइ आइयै नों जोनोम होदोंमोन
देहा सोलेराव हाजासे खस्थ' लाना
मेगनआव मोदै खुगायाव खदै लाना
आलो-आलो खांदोंमोन-बादोंमोन
दाव बिदै बायदि बायसि-बायसि
गथ' गोरलैनि मोदोमाव
मोस्रोम मोज्लाय जोसि-जोसि !
दिनै गाव बिमानि खस्थ'खौ मिथिरोंलिया
गाव हारिनि साथ जारलाखौ नायरोंलिया
मा बायदिखा आब्रा फिसा आइयै नोंनि
गावनि आथिङाव दिनै गावनो
रोहो-रोहो गोबौ रुवा दाननानै लाबाय !
नाथाइ आइयै नोंनि खांनाय नोंनि बानाय
नोंनि आंखौ जोनोम होनाय
दासिमबो आंनि गोसो गोरबोआव दं
माखासे लांसुनिया नोंनि फिसा आइयै
दिनै बिसोर गावनि बिमाखौ बावगारलांबाय
बिसोर दिनै मानसि महरै
हाग्रानि मि जुनार सिंह,मोसा
गाव हारिखौनो बेदर जाग्रा जाबाय
बिसोरनि गोसोआव मोनबो अन्नायनि गोरबो गैलिया
नाथाइ आइयै दिनैबो आं
नों जेब्ला गाबगोन
मोदैआ आंनावबो बोहैग्लायगोन।
बिखा सौवै-सौवै
मेग'नाव मोदै लानानै
खुगायाव ख'दै लानानै
गोसो-गोर्बो बिखायाव
दुखुनि थफ्ला दावदाब रुजुन्नानै
बर'नि बिमा आयै-आइयै
आंगो फिसानि दिखाराव
बिखा सौवै-सौवै
दख' ना रुबै मोदैजों सिग्लाब लाङै
खानाइ आयलि-जायलि गेंब्रु लाङै
मोदै रुखु-रुखु
हां थिफुं-थिफुं
गोरोखो-गोरोखो
आयै-आइयै गाबनांबाय आलाय-सिलाय ;
मानि थाखाय मानो गाबनांखो
सोरनि थाखाय मानो दिखार नांखो
दिनै बिखौ रावबो मिथियै गैलिया
बे बुब्लियाव रावबो बिखौ अनखांनो गोसो गैलिया
दिनै बर'आ सुबुं महरै
गावजों गाव सैमा बादियै
बे जानायखौ बै नायनो हाया
बै जानायखौ बे नायनो हाया
बिदा-फंबाय सुखु लायलिया
गावजों गाव गोरोब लायलिया !
बिखा सौवै-सौवै
दिखार नाङै-नाङै
गिजि न'आव
बायरा-जिरा गोबाय देरायाव
बिमायादि गाबगासिनो
बिमा होन्नानै बिखौ नायस'नलिया ;
नै सुबुं माहारि
बुर्लुंबुथुर सा सेरफांनि बर' हारि
दानि जुगआ गोनोखोआरी
गावजों गाव बिदि जाबाय थायोब्ला
गावनि गिजि देराखौ दुमथेनो सानाब्ला
हारि महरै बर'आ भुमनिफ्राय गोमोरलांगोन
लासै-लासै रेगायाबो थैलांगोन
बिनिखाइनो फै जों हानजासेयै
जौगाहांनाय सोदोमस्रि गोनां बर'हारिखौ
रोमै-रोमै नुहुरस'यै जांख्लायाव जों दैखांनि
आंगो बिमानि दिखार नाङै-नाङै
दुखु लाना बिखा सौवै-सौवै
आलाय-सिलाय गाबनांनायखौ
दिनै खौसेयै खुसिनि मोदै जों बोहै होनि
जै बर' हारिनि,
जै बर' बिमानि
जै मंग'लियान फोलेरनि ।
गाबै-गाबै मिनिनाय सोलों
दुखु-दाहा जानानैलाय मा जानो
मोदै हुगारै गाबैलाय मा मोन्नो
जेराव बरादआनो बिनो
नोंनि भुमनि भावथिनायानो बिनो
सुखुखौ नागिरना रावबो मोना
सुखुआ नागिरनानै मोनग्रा बेसाद नङा
खालिबोल' नोंनावल' दुखु नङा
संसाराव बयहाबो दंखायो सुखु-दुखु ;
गाबै-गाबै मिनिनाय सोलों
मिनियै-मिनियै गाब
गावखौनो बावगोमालांजासे दागाब
दुखु फैब्ला नों जुजि दुखुजों
गाबनाय फैब्ला नों मिनि मोदैजों
सानसे सुखु मोनगोन
सानसे दुखुआ नोंजों जेन्ना लाजि नांगोन ;
नोंनि जिउआ नोंनि आखायाव
सुखु-दुखु बजबनांगौआ नोंनि गोर्बोयाव
मेलेमखौ उन नोंनि गोग्गो सोलोंथाइजों
मेलेमनि दाहारखौ बाहाय नोंनि गियान सोलोजों
सानसे गोदै फिथाइ थायगोन
दुखुआ गाव हारसिङैनो आनज्रायलांगोन
सुखुआ गावनो आलो-आलो फैगोन
आरोलाय मा........!
आखाइ दं आथिं दं
गोहो दं बोलो दं
मानिलाय आरो दाहा दं ?
थांना थानो भुमआव नोंहाबोथ' मोन्थाय दं
गाबै-गाबै मिनिनाय सोलों
मिनियै-मिनियै गाब ॥
मुंख्लंफोरा बुंहरदों हनै
नै सुबुं माहारि
बर' हारि
आगोमा फिसा मुंख्लंफोरा
थैनानैब्लाबो दिनैबो बुंहरदों हनै
गावनि गोथै मुंख्लं खाम्पायाव गसंनानै
गावनि गोथै हाख' राव उन्दुनानै
बड'फाया दाबोनो थुलुंगाफुरियाव आसि थुयै-थुयै
खोनासं बर' माहारि खोनासं
गेदेमा सुबुंफोरनि बोसोन होनायखौ खोनासं
गावनि महर मोखांखौ जोथोन लानाय बादि
गाव हारिखौबो जोथोन ला
गावनि गांनाय उखैनायखौ हमदांनो हानाय बादि
गाव हारिनि साथ जार्लाखौ मिथिनानै ला
नोंनि जानायखौ नों गावनो नागिरनांगौब्ला
सोर आरो मालाया नोंनो होफैनांगौ ?
गावनि हारिखौ गावनो सिबियाब्ला
सोरथो आरो मालाया सिबि फैबावनांगौ ?
बिनिखाइनो नों गावनो सान्नो रोंनांगौ ;
बर'आ दिनैसिम उदांश्री मोनाखै
दाबोनो जोंनि हारिया गेरेमसा जायाखै
बावलांबाय नामा नोंसोर
सुजित नार्जारीनि गोजा थैनि बाना बोहैनायखौ ?
बावलांबाय नामा
गायदे, हेलेना, बिरगोस्रिमोननि थै सिद्दावनायखौ ?
थारैनो बावगारलांमारबाय नामा नोंसोर
जोहोलाव-जोहोलावजो
बिर दैमालु, सोमदोन, गाम्बारी सिख्लामोननि
रोहो-रोहो गोबौ धाल-थुंग्रिनि
ख्लाब-ख्लिब मोदानलायनाय सिबनायखौ ?
थारैनो नोंसोर गोसोआव गैलिया
दिनै बावगारलांमारबाय
जायनि जाहोनाव गावजों गाव एना-एनि
बिदा-फंबाय, बिब'-बिनानाव नाराद-नाथा
हुचियार माब्लाबाबो बिदि जानो मोन्नाय नङा
हारिया नङाब्ला उदांश्री मोन्नाय नङा ।
इं 1967 माइथायनिफ्राय
50 बोसोर सिगां बै समनिफ्राय
बर' हारिया आलादा हादर दाबि बोदों
दिनैसिमावबो सोमावसारबोबाय थादों
नाथाइ दाबोनो मोनाखै आलादा नखर
बर' बिमाया जायनि थाखाय मोदै हुगारनांदों
खाफालनि गोजा सिन्दुरनि गाबखौ हुखुमोरनांदों
बर' हारिनि थैया जायनि थाखाय
फुवा-फुवा दैमु निजिरा दै बोहैनाय बायदि
र' र' बोहैनांदों...!
बिनिखाइनो फै खौसेयै
जों अहिंसानि खान्थियै
नों दानागार आं दानागार
गावजों गाव एना-एनिखौ जों बावगार
फंसे सोदोबखौ हाजार, लाख, खौटि
सुबुंनि गेजेराव हान्जायै जों गारां बोनि
बर' हारिनि गेजेराव जों जांख्रिखांनि
गाव हारि थांना थानो आलादा राज्यो जों सोरजिनि
भुहुमाव सोदोमस्रि गोनां बर' हारि जों फसंथानि
जांख्रिखां बर' हारि जांख्रिखां
जांख्रिखां बर' माहारि जांख्रिखां
जै बर' हारिनि ॥
सैमा नङा जों
भारत हदरनि
सुबुं खुंथायनि
सैमा नङा जों
होख्रां जानो
दाख्राय जानो
जोंनि लुबैनाय
जोंनि बिनायखौ
दाखालाम सैमा बादि खायें-खायें गाबनानै
ओंखाम जानाय बादि सान्नानै ।
जों गावनि
आंगो जोनोमनि
रैखाथि थामोन्था
मोन्थायखौसो बिदों
सैमा नङाजों होख्रां जानो
दं जोंहा गावनि आंगो राव हारिमु,
धोरोम आसारखान्थि
भारत बिमानि बिखायाव सोरजिनांगोन
जोंनि सनानि नखर गंसे बड'लेण्ड राज्यो
सोरगिदिं नासयनाय
सुसि जानाय
गादब जानाय
जों बेसेबां सहायना थानो हानो
हाया जों सहायना हाया थानो
नांगौ जोंनो उदां बड'लेण्ड राज्यो
नङा जों भारत हादरनि
सैमा होख्रां जानो ।
आसाम हादाबनि जों थागिबि
गेदेमा मंग'लिय'फोलेरनि
जों बर' हारि
दाखालाम जोंखौ
सैमा बादि होख्रां होसि
बियाखै जों रावनिबो मोन्थायखौ ;
दिनै जेरैथिंबो खोमसिया साग्लोबनो नागेरदों
जों बर' माहारिनि गेजेराव
बर' बिजोंनि फरायसालियाव
बर' फोरोंगिरि
गैया जालांनो हमबाय
सैमा महरै जोंखौ होख्रां हरनो खायदा लाबाय
दाखालाम जोंखौ
बिदि दाखालाम
भारत हादर नि सिङाव थानाय
आसाम हादरसानि जों थागिबि बर' फिसासो
सैमा नङा जों होख्रां जानो
नांगौ जोंनो उदां बड'लेण्ड राज्यो ।
दागाबसै आइयै-आफा
गोसो- गोर्बो बिखायाव
हाजासे दुखुनि थफ्ला लानानै आरोबाव
मोदै रथ' रथ'
दागाबसै नोंसोर आइयै -आफा ;
नोंसिनि फिसाया हारिनि थाखायसो
मुंख्लं जालांदों
दाबो दं
नोंसिनि
फिसानि मुङा हारिनि गेजेराव
जोंथि अलंबार हाथरखि बादि जानानै
नोंसिनि
मोदैनि बानाखौ नुनानै
जों दिनै जानजि खाफ्राबाय
बोलो फोराबाय
बिखा फोरदान्नानै
उदांस्रि दावहायाव बारसोमफिननो
दागाबसैल' नोंसोर आइयै-आफा ।
नोंसिनि मेग'नाव गनाय मोदैनि बानाखौ
गोथार थांखिजों
गोथार सिमांजों
अरायबो जों रानज्रिं होफिननो
जेब्लायबो जों नाजागोन
दागाबसैल' नोंसोर
दैमुनि गोजों दै बोहैनाय बादि
मोदै रुपु 'रुपु ;
बिर महरैसो जोनोम लाना
बिखा फोरदान्नानै थैलांदों
गोरलै नङा नोंसोरनि फिसाया
हारिनि थाखायसो जिउ बावलांदों
दागाबसै नोंसोर मोदै रुपु-रुपु ।
नोंसिनि फिसाया
जोंथि जोंनाय अलंबार हाथरखि बादि
अरायबो हारिनि गेजेराव जोंनानै
जेब्लायबो थाबाय थागोन
दागाबसै नोंसोर मोदै रुपु-रुपु
दागाबसै आइयै-आफा ।
आर'ज
जोंनि बे थेर-बेथेर जालांनो हमनाय हारिखौ
जोंनि बे गाज्रि समाज जालांनो हमनाय माहारिखौ
हे आफा अबंलावरि
नोंनियाव आर'ज गाबो
जिहेतु बिदि दाजालांथों ।
जोंनि बे बर' हारिनि गेजेराव गाज्रि सान्नायखौ
जोंनि बे बर’ माहारिनि गेजेराव खोमसि फोथायनायखौ
नों आफा अबंलावरिनयाव
गले-गले आर'ज गाबो
जिहेतु बिदि सान्नाय/फोथायनाया
अरायबो जोबस्रांथों ।
जोंनि बे बर' माहारिनियाव गाज्रि सान्नाया दाजाथों
जोंनि बे बर' माहारिनियाव मोजां सान्नाया साफिथों
हे आफा नों बिफानियाव
बेखौनो आर'ज गाबो
जोंनि हारिआ जेब्लायबो मोजांआव फैथों ।
जोंनि बे खौसे गोयै जालांनो हमनाय हारिखौ
जोंनि बे एना-एनि जालांनो हमनाय माहारिखौ
नों अबंलावरिनियाव
बेखौनो आर'ज गाबोदि
नों आफाया अनज्लायनायनि गेजेरजों
खौसेयाव लाबोथों ।
आलादा राज्यो
बड'लेण्ड सोरजिनो नागेरनायनि थांखिया
बर' माहारिखौ
बुहुमाव गेरेमसा महर होनायनि सिमाङा
थाबैनो जाफुंथों होन्नानै
नों बिफानियाव बेखौनो आर'ज गाबो
जोंनि बर' माहारिनि थांखिया
अरायबो मोगथां महर मोन्थों होन्नानै ।
जोहोलाव नोंसोर
नै बर' नि बिर जोहोलाव-जोहोलावजो
उदांस्रि हास्थायसुला-हास्थायसुलि
मेंनो रोङै समाज सिबिनो ,हादर सिबिनो
मोजां मोनग्रा बर' नि आगोमा फिसाफोर
मुंख्लं जानांबाय नोंसोर दिनै
हारिखौ बुहुमाव गेरेमसा महर
होनो उदांस्रि हास्थायनायाव ;
मा होन्नानै गाबज्रिबावगोन जों नोंसोरखौ
दुखु-दाहाल'दंसै हाजासे गोरबोआव
गावनि हारिनि उदांस्रि हास्थायनायावनो
जानांबाय मुंख्लं जोहोलाव नोंसोर
नोंसिनि आद्रा थालांनाय समाज सिबिनो,
हादर सिबिनो, उदांस्रि हास्थायनो,
हारिखौ बुहुमाव अरायबो
गेरेमसा महर होनायनि थांखिफोरखौ
खौसेयै जों
अरायबो नाजागोन ।
गावनि बिमा- बफा, बिदा फंबाय
नागारनानै थांनांबाय नोंसोर
नुहरस'हायै बेसेबा गोजान जायगायाव
नोंसिनि मुङा दाबो हारिनि गेजेराव
जोंथि अलंबार हाथरखि जाना
जोंनानै अरायबो दं ;
जोहोलाव नोंसोर
मुंख्लं जानांबाय
नोंसिनि गारामा रानज्रिं लायनाय
हज्रि ख्रावनाय,जांख्रिखांनाय,बिग्रायखांनाया
जोंनि गोसो-गोर्बोआव दाबो रोमै-रोमै,खोनाफा-माफा
रिंखां फैयो जोहोलाव -जोहोलावजो
नोंसिनि सिमांनि गोथार थांखि बड'लेण्ड
सोरजिनो नाजानायनि दोहौफोरा,
खौसेयै नाजाफिनगोनजों
मोगथां महरै अरायबो
जाफुं होगोन जोहोलाव ।
सिखारदो
नै बुर्लुंबुथुरनि साहा थानाय
बर' सेंग्रा-सिख्लाफोर
सिखारदो-सिखारदो नोंसोर सिखारदो
जोंहा समा जाबाय
दिनै हारिखौ बुहुमाव
गेरेमसा महर होनायनि
समा जाबाय
दानदिसे सम थासान्दियावनो ,
दानदिसे सान थासान्दियावनो
हारिनि मावनांगौ हाबाखौ
आबुं खालामना लानो
नोंसोर सिखारदो ।
बिदिन्था आरो जारां सानाबो
नोंसोरखौ नेबाय थानो हाया
नोंसोर सिखारदो-सिरिमोन्दो
बड'फानि गोथार बड'लेण्डनि सिमांखौ
नोंसोर मोगथां महरै जाफुंहोनांगोन
दान्दिसे सम आरो सान थानायावनो
सिमांखौ मोगथां महरै जाफुं होनो
सिखारदो नोंसोर सिखारदो ;
उन्दुनानै थानायनि नोंसोरहा
दा सम गैलिया
गावखौबो बुहुमाव सिनायथि होनो
नोंसोर सिखारदो
हारिनि हारिमुखौ लाखिलांनांगौनि
नोंसोरहा गोनांथि दं बिबान दं,
सिखारदो-सिखारदो नोंसोर सिखारदो ।
हारि अनफावरिमोन नों जोहोलाव
फैदोंमोन नों बर' माहारिनि गेजेराव
बेसेबांबा गिदिर उदांस्रि नि थांखि लानानै
नाथाइ......!!
दान्दिसे समल'फैनानै थांफिननांबाय
आलासि महरै नों बर' माहारिनिफ्राय ;
निखावरि नखराव जोनोम लानानैबो
जौगासार सोलोंथाइ नों लानो हादोंमोन
नोंहादि हायोमोन सोरजिनो
गावनि न' गोजोन देरा
नथाइ नों......!!
गोग्लैसोना थानाय हारिफोरखौसो बोखांनो
नों नोंनि रोंगौथिजों दिन्थिलांबाय
हारिया बोरै जुजिनानै थांना थानांगौ बुहुमाव ।
हारि अनफावरि नों जोहोलाव
नोंनि गुनफोरानो जादु बादिमोन
गान्धिबायदि सासे अहिंसा खान्थिजों
राफोद गोख्रों नों दैदेनगिरिमोन ।
नोंनि बोसोनजोंनो नोंनि फोरोंनायजोंनो
हारिआ दिनै गसंथानो हाबाय बुहुमाव
जोहोलाव नों गैयामोनब्ला
नों नङामोनब्ला
हारिआ दिनै गोमा लांसिगौमोन
नोंनो दिनै फोरों लांबाय
बड'लेण्ड सोरजिनो बर'हारिखौ,
नोंनि थांखिखौ जों जाफुंहोगोन
मोगथां महरै जोहोलाव
सोरगोआव थानानैल' नों
जोंखौ हेफाजाब हरबाय था ।
नै जोहोलाव
बबे सोरगोआव थांखो नों
बबे राज्यो थांखो
नों जोहोलाव ?
नै जोहोलाव...
नोंनि थालांनाय आद्रा थांखि
जों जेब्लाबो मावफुंलांनो नाजागोन जोहोलाव
खालिबोल' नों जोंखौ
सोरगोआव थानानैल' हेफाजाब हरबाय था ;
नै जोहोलाव....
बावनानै थाङाखै नोंनि बोसोन
बावआखै नोंनि खाम्फायाव
आलारि बाथि सावनानै
बयदि गाबनि बिबार बावनो
दाबोनो जोहोलाव ।
नै जोहोलाव...
नों थैनानै थांदोंब्लाबो
नोंनि मुङा हारिनि गेजेराव दाबो
थरसे गोजों हाथरखि बादि जोंनानै दं दिनैबो ;
नै नों जोहोलाव...
सान्नैसोल' बर' हारिनि गेजेराव
आलासि महरै नुजा फैनानै
नों फोरोंलांबाय बर'माहारिनि समाजाव
समाज सिबिनो, हारि सिबिनो
हादर सिबिनो ,उदांस्रि हास्थायनो ।
उदांस्रि
माबोला मोनगोन जों नों खौ उदांस्रि
अराय सम अरायबो सुखु गोजोननि
थाखाइ..!!
दिनै नोंनि थाखाइ नो
रोजा-रोजा बर'नि बिर जोहोलाव-जोहोलावजोफोरा
हाजासे मुंख्लं जालानांबाय
बिसोर दिनै हारिनि गेजेराव
सुखहायै दुखु-दाहा होलांनांबाय ।
उदांस्रि नोंखौ लानानैनो दिनै बुहुमाव
दावराव-दावसि हनै
दालाबोसै नों आरोबाव थैनि बाना
नैबे अहिंसा खान्थिजों
जांख्रिखांनाय-बिग्रायखांनायाव ;
उदांस्रि नै नोंनि थाखाइ
बर' नि
बिर जोहोलाव-जोहोलावजोफोरनि
थैनाया ओरैनो दैयावसो थांनोसै नामा ?
नोंनि थाखाइ बर' नि हास्थायनाय लुबैनाया
ओरैनोसो जालांगोन नामा ?
जाया माथो जेबोआनो
दाबो बर' नि लुबैयनाया ।
माबोला नुगोन बर'आ नोंखौ उदांस्रि
माबोला जागोन बर'नि उदांस्रि बड'लेण्ड ?
सोरबा बर' बिमानि मेगनाव गनाय मोदै आ
ओरैनो दैयावसो थांनोसै नामा उदांस्रि ?
खालाम नो मोन्नाय नङा नों बिदि उदांस्रि
जोंहाबो दं नोंखौ लानानै
मोनसे गेदेर हारि दानायनि थांखि
आलादा नखर बड'लेण्ड राज्यो उदांस्रि ।
जोंनि बर' हारिमु
जों बुर्लुंबुथुर दैमानि
गंगार हाजो सेरनि
साहा थानाय नौनारि
गेरेमसा बर' हारि दानो नागेरनाय
गेदेमा हारि जों बर'
जोंहा गिनाङा दिनै दंखायो गावनि
आंगो बिमानि राव,हारिमु,
थुनलाइ,धोरोम आसारखान्थि ;
दंखायो जोंहा गावनि आंगो हारिमु
गान्नाय-जोमनाय,दामनाय देनाय,
खन्नाय-मोसानाय-मुसुरनाय,
हायलालाय-हुयलालाय,बायदेमग्लाय-सिदेमग्लाय
मोसानाय बागुरुमबा
बेनो जोंनि हारिमु ।
सोरनि हारिमु आव दं दिनै
औवा बिजौखौ सिफुं बानायना
मिलौदो देंखो बोनाय,
सोरनि हारिमु आव दं दिनै दंफां दालायखौ दान्नानै
खाम बानायना देंखो रिंखां होनाय,
सोरनि हारिमु आव दं दिनै दंफां दालायखौ दान्नानै
सेरजा बानायना बेसे मोजां मिलौदो
देंखौ बोनाय
गासैबो जोंनि समायना-रमायना आंगो
बर' हारिमु आवनो दं
बेफोरनो जादों जोंनि ऐंगारहायै
समायना-रमायना जोंनि बर' हारिमु ।
फैदो फै बयबो फैदो
जों गावनि मोखांखौ
आयनायाव नायना समायना खालामनायबादि
थुनलाय मुलुगआव
गावनि आंगो हारिमुखौबो समायना-रमायनासिन
खालामनो बयबो आवगयबोदो ।
बुर्लुंबुथुरनि साहा थानाय
नै बुर्लुंबुथुरनि साहा थानाय नौनारि
बर' फिसाफोर
दिनैनि समा हारिनि थाखाइ गेरेमसा हारि
दानायनि सम जाबाय ;
दिनै उन्दुनानै दाथासै नोंसोर नौनारि
बर' फिसाफोर
नोंसोर दिनै सिरिमोन्दो-सिखारदो
दिनै दंङमोन जोंहा बर'हारिनि गेजेराव
उदांस्रि हास्थायसुला-हास्थायसुलि
मेंनो रोङै मावथि जोहोलाव-जोहोलावजोफोर
नाथाइ बिसोर दिनै गैलिया
बर' हारिनिफ्राय आनज्रायलांबाय ;
नै बुर्लुंबुथुरनि साहा थानाय बर' हारि
दाजासै नोंसोर दिनै गावजों गाव एना-एनि
दिनैनि समा जोंनि थाखाइ बिमा-बिफा,
बिदा-फंबाय,बिब-बिनानाव
खौसेयै अनलायनायनिसो सम जाबाय
दिनैनि समा हारि फोजाखांनायनि
दिन जाबाय ;
नै नौनारि बुर्लुंबुथुरनि साहा थानाय
बर' हारि..
फैदो फै जों दिनै खौसेयै ज' जाना
समानै हारिनि थाखाइ गावखौ बावसोमनो,
समाज सिबिनो
हादत सिबिनो
हारिखौ गेरेमसा महर मोनहोनो
आवगय बोदो ज' हानजासेयै ।
बावनानै दाथां नोंसोर दिनै
बड'फानि सिमां,
बावनानै दाथां नोंसोर दिनै
बड'फानि दुंब्रुद गोजा बिखानि थैजों
बर' माहारिनि
बर’ हारि थांनानै थानो
गेरेमसा राज्यो बड'लेण्डनि
मुं बुहुमाव लिरलांनो नाजानायखौ ।
बर'हारि
नै बर' हारि.....
नोंसोर दिनै गोसोखां मेंनो रोङै
हारि अनफावरि
हादर सिबिसुला,
समाज सिबिसुला,
उदांस्रि हास्थाइसुला-हास्थायसुलि बर'नि फिसा
मुंख्लं बिर जोहोलाव-जोहोलावजोमोनखौ ;
नै बर' हारि.....
दिनै गोसोखां नोंसोर मेंनो रोङै
जांख्रिखांगिरि,
बिग्रायखांगिरि
मावथि हानजा
बिर जोहोलाव-जोहोलावजोमोनखौ ;
नै बर' हारि.....
बिसिनि नाजानायावनो
बिसिनि गावखौ बावसोमना
सोमावसारबोनायावनो
जों दिनै बर' माहारिआ
फांसे गेरेमसा बिफां मह'रै जोनोम मोनदों
बे फांसे गेरेमसा बिफांखौनो
दिनै गुनजेरा अरखोमालांनो नागेरदों ;
नै बर' हारि......
बे फांसे गेरेमसा बिफांखौनो
दिनै बबेबा खनानिफ्राइ बारबोनाय
गिलु-बालु बारहुंखाया
बुखार लाङोब्ला
नोंसोर बे बिफांखौ हमथानो हागोन्ना ??
नै बर' हारि......
दिनै जोंनि समाजाव
बर'हारिनि गेजेराव
गुबुंले सावगारि नुजाथिनो नागेरदों ।
दिनै गोसोखां नोंसोर
गह'फुरनि
गोथै हाफावनि
गिलु-बालु हज्रिख्रावनायखौ ;
नै बर' हारि.....
नोंसोर दिनै गोसोखां
हारिनि बिफा बड'फा बुंलांनायखौ
जोंखौ बुंदोंमोन नोंसोर बर' माहारिनि गेजेराव
जांख्रिखांनायखौ लाबोथारनांगोन होन्नानै
बर’ हारिखौ गाबज्रिख्रावनानै ;
नै बर' हारि.....
फै जों दिनै खौसेयै
बर' माहारिनि गेजेराव
अहिंसा खान्थिजों जांख्रिखांनानै
मोनसे गेरेमसा बर' हारि बुहुमाव दानि ।
जै बर'हारिनि
जै बर' बिमानि जै
बर' हारि बुहुमाव थांनानै थाथों ।
गिजि न'खौ'',,,,,,,,,
नै बुर्लुंबुथुर सा सेरफांनि बर' फिसाफोर
उन्दुनानै दाथासै नोंसोर दिनै
सिखारदो सिखारदो समा जाबाय
नुजाबोबाय ;
दसे सान गोरलै थासान्दियावनो
दान्दिसे सम थासान्दियावनो
गावनि देरा गिजि न'खौ थाबैनो
दुमथेना लानो
सिखारदो सिखारदो समा जाबाय ।
जारां साना रालांओब्ला ,
समा बारग'लांओब्ला
जानांगोन नोंसोर सानसे समाव
बुहुम बिखानि बिबायारि महरै
गोमालांगोन सोदोमस्रि गोनां राव थुनलाइ बर' हारिआ
सानसे समाव ।
नोंसोर मानो दाबो उन्दु गादुरा अलसिया
नुनानैबो नुयैबादि,
मोन्थिनानैबो मोन्थयैबादि
नायहर हनै देरा गिजि न'आव
सोर बिमाया
मोदै रुखु-रुखु गाबगासिनो दं
हुगारनो गोसो गैलिया नामा
नोंसोर बिमानि मेग'नाव गनाय
दैमुनि दै बादि गोजों
बोहैनाय मोदैखौ
हुगारनांगोन नोंसोर बिमानि
गोरबोआव
जोनोम मोन्नानै बिमाखौ
अनखांनांगोन ;
नोंसोर मानो दिनैसिमबो गोदाव सोराव
आलाय सिलाय जालांनो हमखो
देरा गिजि न'खौ दुमथेनो नागारै
गावजों गाव बिदा-फंबाय,बिब'-बिनानाव
एना-एनि जालांखो ;
दाबो समा नेनानै दं बिदा-फंबाय,
बिब'-बिनानाव
अनज्लायनायनि थाखाय,
हारिखौ गेरेमसा महर होनो ,
देरा गिजि न'खौ दुथेनो थाखाय ;
फै फै खौसेयै फै
नों दानागार आं दानागार
देरा गिजि न'खौ अनज्लायनायनि
गुबै मोन्थोरजों
खौसे जानानै दुमुथेनो फै ।
नागार लांनांबाय नोंसोर
नै बर'माहारिनि
बिर जोहोलाव-जोहोलाव जोफोर
नागार लांनांबाय नोंसोर
दिनै गावनि आंगो बिमा-फिफा,
बिदा-फंबाय,बिब'-बिनानावमोनखौ
बिखायाव हाजासे दुखु गालांनानै
गोरबोआव दावदाब दानानै
जानांबाय नोंसोर दिनै मुंख्लं महरै
नोंसिनि आद्रा थालांनाय हाबाफोरखौ
जों जेल्बाबो मावनो नाजालांगोन
अरायबो नोंसोर जों खौ सोरगोआव थानानैल'
हेफाजाब हरबाय था ;
हारि समासखौ फोसाबनो नाजानायावनो
इनाय-बानाय खास्रि-बिस्रि बुथार जानांबाय
नोंसोर गोमा लांनांबाय
दिनै मा होननानै फुजिनो रोंबावनो
जों नोंसोरखौ मा होन्नानै गाबज्रि बावनो
दुखुल'दसैं जोंहा दिनै गोरबोआव
हाजासे मोदै नि बाना ।
बे बुब्लियाव हाजार-लाख सुथुरानो फैथों
हारिआ अल'खदआवनो गोग्लैथों
थेवबो जों गावनि थैखौ बावनानैबाबो
दाखिफबनाय गोसोम जोमै
बर’नि बुस्रां जायै नखोरांखौ
गोजों स्रांआव जों बोखारलांनो नाजागोन,
थेवबो गावनि थैखौ जों बुलि बावनानैबाबो
हारिखौ बुहुमाव अराय गेरेमसा
महरै सिनायथि होलांगोन ।
जांख्रिखां
जांख्रिखां जांख्रिखां जांख्रिखां
नोंसोर दिनै जांख्रिखां
सेंग्रा-सिख्ला,बोराय-बुरै,उन्दै-गेदेर
बे जांख्रिखांनाया नङादि हिंसा खान्थिजों,
बे जांख्रिखांनायआ नंगौदि अहिंसा खान्थिजों
बर'माहारिनि गेजेराव
गेरेमसा महर हारि दानायनि,
बे जांख्रिखांनाया नंगौदि अहिंसा खान्थिजों
आलादा राय्जो नखर सोरजिनायनि !
नङा बियो सिलाइ बारुदजों जांख्रिखांनाय
फै बयबो बाहागो लाफै बे जांख्रिखांनायाव
बे जांख्रिखांनाया माल्बा जोबगोन
बेनि सिमा गैया !
जेब्ला जोबगोन अब्ला जानांगोन
गेरेमसा बर'हारिनि आलादा गंसे नखर ।
जांख्रिखां जांख्रिखां जांख्रिखां
नोंसोर दिनै जांख्रिखां
बे जांख्रिखांनायाव
सोरबा अहिंसायै
दबथाइनो सान्दोंब्लाबो
बेयो हानाय नङा ;
नोंसोर दिनै गोसोखां
बड'फानि गारामा रानज्रिं लाइनाय
हज्रि ख्रावनायखौ
दिनै गोसोखां
सुजितनि गनाय र'र' थैनि बारुतखौ
नोंसोर दिनै जांख्रिखांनायखौ लाबोथारनांगोन ।
फै जों खौसे जानानै
हानजासेयै बर' माहारिनि गेजेराव
गिलु बालु अहिंसा खान्थिजों
जांख्रिखांनानि दोहौखौ लाबोनि
जै बर'हारिनि
जै बर'बिमानि जै।
बड'लेण्डनि सेंग्रा आं
बड'लेण्डनि सेंग्रा आं
गोदान मुगानि
बर' बिर फिफा आं इयुन जोलैनि
फावस'या गिया आंलाय
जेसेबांखि सारअन्थाइ ,बारहुंखा
खैदां खैफोद फैया मानो
सौसि लांगोन आं
जेब्लासिम थांखियाव सौहैयागौमानि !!
बिमानि मेग'नाव गनाय मोदै
माबोरै सहाय हानो..
हाया-हाया आंलाय सहाय हाया
सासे फिसा जानानै !!
सिमांनि थांखि मोगथांआव
जाफुं होनो जेब्लाबो नाजागोन आं
बिमानि मेग'नाव गनाय मोदै खौ
गोथार थांखिजों रानज्रिं होफिननो
जेब्लाबो जुजिलांगोन
बड'लेण्डनि सेंग्रा आं
गोदान मुगानि ।
औवा बिजौ सिफुंनि देंखोजों
बारिख'ना दैखरनि गुदियाव
एम्बु बंग्लानि एबबं-एबबं गाबज्रिनायाव
खौऔ-खौऔ दाव खौऔनि गाबनायजों
बारदैसिख्लानि मिनिखैरो मोसानायजों
बिफां बिलाइ बिथराइ सोमखोर गाबनि खिलिनायजों
सौफैबाय सौफैमारबाय रंजालि बैसागुआ
बर सेंग्रानि औवा बिजौ सिफुंनि गोदै देंखोजों
थिरिरिउ-थिरिरिउ रिनदाव रिनसि दामनायजों
फ्रिउ गोम दा गोम खाम गोमनायजों
थिंथ थिंथ जथानि रिंनायजों
बरनि फोरबो रंजालि बैसागु ॥
नायहर हनै बेसे मोजां समायसारदों
मिथिंगा रानिया इनायनो मोसा गारदों
सानदो बावदिया सेरजा हुनायजों
बर जोहोलावनि खाम दामनायजों
बेसेदि रंजा बेसेदि मिनिबाला
आय! बयबो दुखु दाहा हांमा हांसाफोरखौ
बोराइ बुरै गथ गथाइ सेंग्रा सिख्ला ज्राब बावगारदों
गावखौनो बावगोमालांदों ॥
औवा बिजौ सिफुंनि गोदै देंखो रिंखांनायजों
बराय हरदों गोदान बोसोर बैसागु बोथोरखौ
बिदाय हरदों गाजा गोमजायै गोजाम बोसोरखौ ॥
" बायलुं गोसो दाजा जोहोलाउ"
उदांस्रि हास्थायसुला नै नों जोहोलाउ
हारि अनफावरि
बायलुं गोसो दाजा नों हारि सिबिनो,
बर' बिमाखौ गोर्बोजों अनसायनो ।
समा दाबो दङ' जोहोलाव हारि फोजाखांनो
बावनानै दाथां मुंख्लं सुजित नार्जारी,
समा दाबो दङ'....
बर’ हारिखौ खौसेथियाव लाबोनो ।
गुबुननि फान्दायनायाव उदांस्रिनि लामाखौ
लामा ससेयाव बडफानि थांखिखौ,
बायलुं गोसोजों नेवसिनो दासान जोहोलाउ
मोगथां महर होनांगोन बर हारिनि उदांस्रिखौ ।
रां-रुफा धोन धौलदनि लबाव
खंख्ला गोसो सुबुंनि फान्दायनायाव,
गावनि हारिखौ थेर-बेथेर खालामनो दासान
हारिखौ उदांस्रि होनो सान ।।
नै नों जोहोलाउ
बुर्लुंबुथुर सा सेरफांनि बर’ फिसा
जोंहा हारिया जौगा हांबाय
बर’ बिमानि मेगननि मोदैया रानहांबाय ।
एसे रानहांनायावनो
एसे हारिया जौगाहांनायावनो,
बायलुं गोसो दाजा जोहोलाउ
हारिखौ सिबिनो
उदांस्रिखौ हास्थायनो ।
नैआइयैबर' बिमा
आलाइ-सिलाइगोथैबारिआव
आयलि-जायलिखानाइबिलाइलाना
रावबोगोयैदरसिसिजायगायाव
नैआइयैबर' बिमामोदैरुखु-रुखु
दागाबसैनोंआइयै
हज्रि-हज्रिदागाबसै
गोथैबारिआवगाबनानैलायनोंआइयै
आदाखौबहाजोंमोनफिनबावनो,
आयलि-जायलिफाग्लिबादिजानानैलायनोंआइयै
नोंनिजिउनिफिसाखौजोंबहामोनबावनो ;
सानाफैसालिआवथांबायआइयै
फैदोन'आवथांफिनदिनि।
अ' आइयैगोसोगोरबोबिखायाव
दुखुनिथफ्लाखौनोंबिखुङाव
दाबासैनोंआइयै
लेर-लेरदाबासै ;
नैनोंआइयैबर' बिमाजोनोमगिरि
नोंनिफिसायाहारिनिथाखायसोमुंख्लंजादों
नैनोंआइयैअनसुलिखांगिरि-बागिरि
नोंनिफिसानिमुंआदाबोहारिनिगेजेराव
जोंथिजोंनायअलंबारहाथ'रखिबादि
मुलुगसंसारबुहुमबिखायाव
अरायबोजोंसारजानानैदंआइयै
खोमसिसिनैबेबहरुफिजायगायाव
अरायबोजोंनानैदं।
नैआइयैबर' बिमाजोनोमगिरि
नोंनिमेग'नावगनायगोजोंमोदैखौ
आदानिगोजादुंब्रुदबिखानिथैबावलांनायखौ
अनसुलिनोंबिमानिफिसाजोहोलावनि
आद्राथालांनायथांखिखौ
मोगथांमहरैजोंजेब्लाबोखौसेयैजाफुंहोगोनआइयै ;
फैजोंखौसेजानानैबर' बिमानिमेग'नाव
ग'नायमोदैखौअनज्लायनायनिथार
गुबैअहिंसानिमोन्थोरजोंहुगारनि।
हिनजाव माहारि जुलि जानोसैब्ला
गोदो हाबा जानो सम जासैबोला
बिमा-बिफाखौ नागारनानै फैसैबोला
हां थिफुं-थिफुं गाब्बोयोमोन
सुरोखो-सुरोखो,गोरोखो-गोरोखो गाबोमोन
दानि जुगाव नाथाइ रावबो गाबला
हाजेव-जेव एन्द्रयदजों सेलफिसो लागारो ।
खैना गोदान जानानै फैगोन समाव
हिनजाव गोदान जागोन बुब्लियाव
बै समाव बर' आज्यो माहारिया
जागोन जेब्ला हौवाजों जुलिया
रिनदाव-रिनसि दुखु जायोमोन बै दिनाव ।
आय-आफा दंबाबो गोमासिगोन
फिसायनि बिमा-बिफाखौनो असे लानांसिगोन
हब्रा-हब्रा बिमा-बिफाखौ गोबायै
दुखु होबोयोमोन जोनोमगिरिखौ गाबै-गाबै
नाथाइ दानथामसो उनाव जलदब बावगारोमोन
थेवबो बिमा बिफाखौ गारनो बानाय नेरसोना
जुगे-जुगे जारिमिन जानानै थाबोयोमोन ।
बुरखाय बायोमोन गामिनि आबै-आबौमोना
दागाब मायनाव दागाब
दावखा सिला हाबनाय न'आव हराखै
माय बाख्रि गोयै न'खराव हराखै
जेनिबो आंखाल गोयै नखरावसो हरदों होन्ना ।
थारैनो दुखु थायो बयहाबो
सुखु-दुखुआ समान जेब्लायबो ;
जोनोमगिरिखौ मा बिखायै गारबोनो
जायहा गियान गैया बिसो गारगोन
दिनै सुबुङा गियान थासेयावबो गियान गैयै
जायनि जाहोनाव......!
बिमा-बिफा मिथियै हाबा जाखोमायो
सिरि-सिरि बिमा बिफाखौ नारजि अरगारो
नाथाइ.......! गोसोआव लानो गोनांआ
बिसिनि संसारा जोनोमाव गोजोन गैया
सुग सान्थि माब्लाबाबो संसार मोनजाया ।
हाबिला
(Acrostic)
हास्थायनाय जिउनि अनसुलि
आगान सुरगाफ्रामबो आं गोसो खाङोमोन
बोदोर बावलि गोसो आंनि
इसोरनि गेलेनाय मैया
लानोल' हास्थायोमोन आं नोंखौल' जुलि
आनज्रायलांबाय नों आंनि गोजानाव !
रुफा गाबनि सान रोदाजों
गेवलांनाय निजोम हरनि बिबारजों
फुंबिलि रुफा गाबनि सान रोदाजों
बहरुफि बिबाराव निहोरनि जोंख्लाबनायजों
बाहां-बिरहां थख्रबहां-फुवारहां
बिबारनि बागानाव हायला-हुयला
मोसाग्लांनाय बेरे सिखिरिनि रंजानायजों
बोदोर जायो गोसो आंनि ;
बास्लाय-बास्लाय बिरदब-बादब
बिफांनि दालायाव दावसिन-दावलानि
रिनदाव-रिनसि मिलौदो देंखो बोब्ला
गोसो जाफायो गेलेफानो
बोदोर जाफायो मिनि-खुसि रंजानो
रंगिना-संगिना बुहुमाव
सिमांनि अनसुलिखौ लाना
रुफा गाबनि सान रोदा रिफिनायजों
मनालिसा नोंनि रैरुप महरखौ गोसो खाङो जेब्ला ।
सना गाबनि मोनाबिलियाव
लावखारफोरनि सिफुंनि देंखोआव
सोमखोर फैलाव फोथाराव
हायला-हुयला बारदै सिख्ला
बागुरुमबा मोसायो जेब्ला
गोसो जाफायो नोंखौ लाना
मोसा होनो नोंखौ सिफुं सुना ;
गोसोनि आयनायाव रिफिखांल' फैयो
गोसोनि अखोरांआवल' गेले फैयो
मनालिसा नोंनि महर ।
आइराखि जाना नोंखौ लायगोन आं सानसे
खैना जाना फैनांगोन आंनि देरायाव नों सानसे
रुफा गाबनि सान रोदाजों
जारौ रौ नोंनि महरखौ
समाय होगोन
सना गाबनि मोनाबिलिजों
साजायगोन नोंनि खाफालखौ
गोजा गाबनि सिन्दुरजों ।
नों जेब्ला गाबगोन......
आइयै.....
आइयै......
फुवा-फुवा दैमु निजिरा दै बायदि
र' र' बोहैग्लायनाय
नों बिमानि थायनै मेग'नाव दै नुब्ला
नों बिमा मोदैनि आलिया बायफ्रुलांब्ला
आंनि बिखायाबो थेर-बेथेर बायफ्लेयो आइयै
नों जेब्ला रिनदाव रिनसि गाबगोन
दुखुनि मोदैया आंनावबो बोहैग्लायगोन !
माखासे नों बिमानि आब्रा फिसा आइयै
गावनि हारिखौ गावनि बिमाखौ
जेबो अनखांनो गोसो गैलिया
नाथाइ आइयै नों जोनोम होदोंमोन
देहा सोलेराव हाजासे खस्थ' लाना
मेगनआव मोदै खुगायाव खदै लाना
आलो-आलो खांदोंमोन-बादोंमोन
दाव बिदै बायदि बायसि-बायसि
गथ' गोरलैनि मोदोमाव
मोस्रोम मोज्लाय जोसि-जोसि !
दिनै गाव बिमानि खस्थ'खौ मिथिरोंलिया
गाव हारिनि साथ जारलाखौ नायरोंलिया
मा बायदिखा आब्रा फिसा आइयै नोंनि
गावनि आथिङाव दिनै गावनो
रोहो-रोहो गोबौ रुवा दाननानै लाबाय !
नाथाइ आइयै नोंनि खांनाय नोंनि बानाय
नोंनि आंखौ जोनोम होनाय
दासिमबो आंनि गोसो गोरबोआव दं
माखासे लांसुनिया नोंनि फिसा आइयै
दिनै बिसोर गावनि बिमाखौ बावगारलांबाय
बिसोर दिनै मानसि महरै
हाग्रानि मि जुनार सिंह,मोसा
गाव हारिखौनो बेदर जाग्रा जाबाय
बिसोरनि गोसोआव मोनबो अन्नायनि गोरबो गैलिया
नाथाइ आइयै दिनैबो आं
नों जेब्ला गाबगोन
मोदैआ आंनावबो बोहैग्लायगोन।
बेनो जोंनि जोनोमफुरि
जाय हायाव जों जोनोम मोनदों
जाय हायाव जों उजिदों
जाय हायाव जों फरायदों
जाय हायाव जों रोंदों
जाय बिमानि अन्नायाव जों थांना थादों
बुर्लुंबुथुर दैमानि साहा थानाय
हिमालय हाजोलारिनि सेर-सेर
गंगार हाजो-हायेन सेर-सेर
मिथिंगा रानिनि महिमाजों बुंफबनाय
दैमा-दैसा ,जिरि-जिरि साम' खिंखिरि
सोमखोर बाथ'गां माइ आबादनि थिलिजों
बाइदि हारि-माहारिनि राव थुनलाइजों
सा-खोला, सानजा-सोनाब
बैसोमुथि बिमाखौ बिखायाव बजबना
जायोदि राज्योखौ बयबो अनज्लायना
बिनो जोंनि जोनोमफुरि
बिनो जोंनि गोजोन फुरि ;
सानदुं,अखा नेवसि-नेवसि
हाग्रा-बंग्रा सौसि-सौसि
निदान-खैफोद जुजि-जुजि
गोदो-गोदाय आबै-आबौ
जाबोबाय संसार साथ जार्ला
दोबोनोदि बर'नि संसार महा जार्ला ।
नांगौ-नांगौ जोंनो गोजोन संसार
बेसेदि खालामजाबावनो जों मालायजों खैसार
दङ' जोंहाबो थांना थानो मोन्थाय
हारि-माहारि महरै अराय जोरथाय
बुहुम बिखायाव गेरेमसा हारि ;
नांगौ जोंनो बड'लेण्ड राज्यो
बर' हारि थांना थानायनि
राव-थुनलाइ, धोरोम आसारखान्थि
जुगे-जुगे अरायबो सिनायथि जानायनि
बेनो जोंनि जोनोमफुरि
बेनो जोंनि गोजोनफुरि ।
सुथुर नङामोन
सुथुर नङामोन
हारिनि उदांश्री हास्थायसुला
राफोद जोहोलावसोमोन
सुथुर नङामोन
रावनिबो बेरेखा नङामोन
गादब जानाय नासय जानायाव
हारिया अल'कद जानांनायाव
हाथियार दैनो गोनां जादोंमोन
सुथुर नङामोन
DR NABLA या सुथुर नङामोन ;
जाय हारिया गुबुनजों अस्थासार
खालाम जायो
बे हारिया सहायनो हायैआव
हाथियारनि हेफाजाब लानो गोनां जायो
जाय हारिया गांनाय-उखैनाय
सुफुंना होजाया
बे हारियाव सिखाव सोमजियो
नाथाइ नङादि बे सिखावआ
गाज्रि आखुनि
गाज्रि गोसोनि ;
सुथुर नङामोन
NDFB आ सुथुर नङामोन
रावनिबो इनाय खालामाखैमोन
सहायनो हायैनि गेजेरजोंसो
आसाम हादरसायाव अर फोजोंदोंमोन
राजखान्थिनि फाव फान्दायनायाव
बेमानि जेयाव दिनै गोग्लैनांबाय
सुथुर नङाब्लाबो दाय हमजाबाय
बेमानि जेयाव नांदोंब्लाबो
नांगौ बिनो दिनै उदांश्री हारिनि
बिखायाव जं खुबैनानै गालांबाय
नोंनि मेगननि नोजोरजों रायदाव हरनायाव
गुसुथिनि भावजों मोहेर हरनायाव
हाबाब...! रजे बिखा खायसिब मोनलायदों
आंनि गोसो गोरबोआ थाजिम मोनलायदों
गोलोम बोथोरावबो आं थोर-थोर गोजांदों ;
मादि माया नोंनि राव
बेरे मोदै बायदि गोदै बुंनायाव
आंनि लाथा खानाय बरपआ गलिलांदों
अन्थाइ बायदि गोसोआ हास्राव हानि महर लादों
आयै....! अनसुलि आं नोंखौ मोनोमोनब्ला !
आंनि बिखायावल' नों जं खुबैनानै दोनलांबाय ।
सानै-सानै आं गावखौनो बावगोमालांदों
नोंखौ मोननो आंनि बिखायाव जोबोर दाहा थादों
थारैनो नों थगायसुलि
फोथायखेबस' नोंनि अन्नाया अनजालि
फैफिनदो नों रजे आंनि खाथियाव
दाबोनो दङ' आं आखाय फुवारना
गोसो गोरबोजों बिखायाव बजबना लानो।
गां दङ'मोनब्ला
बिखाया गावो खुगाया गेवा
नोंखौ आं खाथियाव मोना
थायो नों गोजानाव
आंनि जानगाराव ।
दाव मैना जानायमोनब्ला
नोंजों रायज्लाय हैगौमोन
गां दङ'मोनब्ला
नोंनि साखाथियाव बिरलांगौमोन
गोसो गोरबोनि खोथाखौ
रुजु-रुमु दावथु जरा बायदि
खुगा रुजु-रुजु फोरमायना लालायगौमोन ।
गोसोआल' थाङो नोंजों लोगोआव
जेरावखि थाया नोंखौल' नुयो आंनि मेगनाव
गां दङ'मोनब्ला.......!
बिरबाय-बिरबाय मोजां मोन्नायनि रादाब
नोंनि सेर-सेर आलो-आलो फोरमायहैगौमोन ।
आइयैलै आं दै गांदों
खोनायाखै नामा ?
आंनि जोनोमगिरि
आंखौ खांगिरि-बागिरि
मोस्रोम-मोज्लाय जोसि-जोसि
आंखौ आलो-आलो दाव बिदै बायदि
अनसि-अनसि बायसि-बायसि
जोथोन लागिरि?
हब्रा-हब्रा गाबज्रि हरदोंलै आं आइयै
मानो नों सेङाखै
मानो नों फिन्नाय होआखै
आइयैलै आं दै गांदों
थरथिंसे दै लाबो होन्दोंलै
नों बिमानि थोबसे आं दै लोंनो लुबैदों
आइयैलै.... आइयैलै
फिसा होन्नानै आंखौ बावगारलांबाय नामा?
आइयैलै.... आइयै ;
बिखा गेजेराव बिमानि सावगारि लाना
गोरबोआव अनजालिनि सावगारि बजबना
मोदै रुफु-रुफु गाबनानै दै बिदों
बर' बिमानि गोदै रावजों
न' फिसा दैआ लोंदो होन्नानै बुंजानो लुबैदों
आलाय-सिलाय अरनबारियाव
सिबाय.......!
खास्रि-बिस्रि गुलि गावजानानै दं
जिउआ बारग'लांहां-बारग'लांहां
हारियाबो नाख्रेबजालांहां
गावजों गाव गुलाय गुजाय जालायहां
मा होन्नानै बुरखाय बावनो
मा राहायै दैखौ हैबावनो
मोनलोङासै जोहोलावा
आलाय-सिलाय थैलांबाय
बिमानि थरथिंसे दै मोनलोंनो दाहा थालांबाय।
आइयै फिसा....!
फिसा जोहोलाव.......!
फिसा जोहोलाव.......!
आं नोंनि बिमा फिसा
आं नोंनि असे बर' बिमा
आं सौफैबाय फिसा
नोंनि हब्रा हब्रा गाबज्रि हरनायाव
आं सौफैबाय ;
फिसा जोहोलाव.......!
फिसा जोहोलाव.......!
आइयै.....फिसा......... !
नों मानो आंखौ नागारलांखो ²
गावनि बिमाखौ मानो नों गारलांखो ?
गावनि बिमाखौ गारनानै
आलाय सिलाय नों बहा थांखो ?
आइयै नों आंनि फिसा ;
नै जोहोलाव फिसा
नोंनि थरथिंसे दै बिनायखौ
आं लाबोबायमोन
लोंदो होन्दों
नै फिसा
मेग'ना खेव
मेगनआ खेव फिसा
लोंदो नै दैआ
खुगाया सि
जोहोलाव फिसालै..............!
गाबै-गाबै बर' बिमाया
जोहोलाव फिसानि गोथै सहखौ दांनानै
आयलि-जायलि दै दौबाय बायदों हनै
बर' फिसाफोर
बर' फिसाफोर
बुजिदो दिनै नोंसोर
गावनि असे बर' बिमानि दाहाखौ
बर' बिर मुंख्लंफोरनि गोथार सिमांखौ
हाग्रा बंग्रा बिसोरमालाय बेसे थाबावनो
आलाय सिलाय गोदाव सोराव
बिसोर मालाय बेसेबां सहायबावनो
फैदो बर'फोर खौसेयै
गावनि बिदा फंबाय
असे बर' बिमानि गोरबो फिसाखौ
गोजोन सुगाव लाबोनो बासायदिनि
बिसिनि सिमां हारिखौ गेरेमसा महर होनो
गोथार बड'लेण्डखौ जों थाबैनो दाफुं दिनि।
हे मेंनो रोङै बड'फा नों
हे मेंनो रोङै बड'फा नों
जोंखौ नागारलांना बहा दं नों
हे मेंनो रोङै बड'फा नों
जोंखौ नेवसिलांना बहा दं नों
नै......! जोहोलाव
नोंनिनो गोथार मुंख्लं सानाव
नै......! जोहोलाव
नोंनिनो गोथार मुंख्लं खाम्फायाव
गोसो गोरबोआव दाहा लानानै
नोंनिनो मुंख्लं खाम्फायाव बिबार बावनानै
गोसो खांदों जों
नोंखौ दिनै बड'फा
गोसो खांदों जों
नोंनि सानस्रिफोरखौ दिनै
हे मेंनो रोङै बड'फा नों
जोंखौ नागारलांना बहा दं नों ?
नोंनिनो गोथार सानस्रिजों
नोंनिनो गोथार गोसोजों
हारिया दिनै गसं थालांबाय
बर'नि गेजेराव नों बिफा जालांबाय ;
आलाय-सिलाय बर' हारिया
सेरखाय-बेरखाय जालांनायखौ
बोखां फैदोंमोन नों
आलाय-सिलाय बर' हारिया
सेरखाय-बेरखाय जालांनायखौ
खाबथाना लाखिफैदोंमोन नों ।
1990 माइयथायनि 1 मे अक्टनि बुब्लिखौ
गोसो खाङोबोला गोसोआ गोजांस्रिउ मोनो
महाटमा गान्धी बायदि सासे राफोद
बर'नि नों दैदेनगिरिमोन
महाटमा गान्धी बायदि सासे राफोद
बर'नि नों अहिंसाजों दैदेनगिरिमोन;
बानाय गैया जासे
मेंनाय गैया जासे
हारिखौ बोखांगिरि
निखावरि न'खराव
जोनोम मोन्नानैबो
जौगासार सोलोंथाइ लानानै
अहिंसा खान्थिजों
उन्दुसोनानै थानाय हारिखौ फोजालांबाय ।
हे मेंनो रोङै बड'फा नों
जोंखौ नागारलांना बहा दं नों
हे मेंनो रोङै बड'फा नों
जोंखौ नेवसिगारलांना बहा दं नों
मा होनानै जों गोजोन होबावनो
नोंनि आगोमा गोथार जिउमाखौ
मा होनानै जों गोजोन होबावनो
नोंनि आगोमा गोथार खाम्फाखौ
गैया आखायाव मुनि मुकटा
गोजोन लांदो नों
आर'ज गाबनायजों
बिबार माला बावनायजों
दै सान्थि आलारि बाथि सावनायजों
हे मेंनो रोङै बड'फा नों ।
खोन्दोथाम लिमारिक
सिख्लाफोरनि गोसो महरा सुम्बक बायदि
सेंग्राफोरनि गोसोखौ बोना लाङो बिसोर फाग्ला बायदि
दफा-मुंफा बिसोर सिख्लाफोरा सेंग्रा गोस्थोग्रा
थाखा-फैसा, बायेक नुब्लानो बिसोर खारफा बायग्रा
सेंग्राफोर बिसिनि महरखौ नुनानैलाय दाजाखा खान्थाल आथा बायदि
नायनोलाय सिख्लाफोरनि महरा बिबार बायदि समायना
गोसो-गोरबोनि आरांगायाव साजायनानै दोनबाय थाथावना
मालाय नै गारलाय नै लालाय लायो
हौवा बासि-बासि फिसाय ज'नो सानखायो
हौवाफोरा बिखौनो गोस्थोयो थैनो बायदि
गोजाननि हाजोआ जेरै समायना
महर गोसा सिख्लाफोरनि गोसोआबो साज्रां ज्रां हायना
खाथियाव थाङोब्ला हाजोनि महरा नायजा थारा
सिख्लाफोरनि गोसोखौ संदानब्ला आकलफोरा लाजाथारा
महरफोरालाय थाम्फै बानो हायै समायना-रमायना।
माबोरै गावस्रा लांखो दिनै?
माबोरै गावस्रा लांखो दिनै
बर'नि खौसेथिआ ?
माबोरै गुबुनजों सेजालांखो दिनै
बर'नि राजखान्थिआ ?
गैलिया.......गैलिया.......!
बर'आ.....खौसे गैलिया.......!
गावजों-गावनो गोहो सेलायनायनि दावहा
सोर......!बोखां फैफिनबावगोन
एना-एनानि जालांनाय
बर' हारी माहारिखौ?
सोर बासायफैबावगोन
दुखु थाबाय आइयै
नों बर' बिमाया
हावरिया खाफाल आइयै
फिसाखौ जोनोम होनानै
जालांनाबाय नों गोदाव सोराव आइयै
नोंनि आब्रा फिसा
बैबो बेबो राजा
जोंलाय बर' फिसा
माबोरै गावस्रा लांखो दिनै
बर'नि खौसेथिआ ?
माबोरै गुबुनजों सेजालांखो दिनै
बर'नि राजखान्थिआ ?
मानो बिदि जालांखो गावजों गाव एना-एनि!
बावलांबाय नामा.......!
बर' हारि बड'फानि गोथार सिमांखौ?
बुफाय जालांबायसो नामा........!
राजखान्थिनि बारहुंखाजों
बड'फानि गोथार थांखिखौ?
गैलिया दिनै बर'आ खौसे गैलिया
मानो बिदि जालांखो गावजों गाव एना-एनि!
फैदो फै खौसे जानोसै
एना-एनिखौ जों बावगारलांनोसै
थांखांनाय बाथ्राफोरखौ जों बावगारना
जालांनाय जाथायफोरखौ जों नेवसिगारना
फैदो जों बिखाजों बिखा बजबलायना थानोसै
गावजों-गावनो गोहो सेलायनायनि दावहा दानांसै ।
फोरमायना लानो सानै-सानै
फोरमायना लानो सानै-सानै
समा बारग' लांबाय
बुंथिना लानो सानै-सानै
अनजालिया बेरे रुंनाय बायदि रुंग'लांबाय
मा गोसो बे आंनि
मा सान्नाय बे आंनि
फोरमायना लानो सानै-सानैनो
समासो बारग' लांबाय
बुंथिना लानो सानै-सानैनो
अनजालिया जुलि जालांबाय
गोसो गोरबोआल' आंनि बायग्लिलांबाय
जिउ जोनोमावल' आंनि हांमा थालांबाय
गोसोनि खोथा गोसोआवनो थालांफिनबाय
गोर्बोनि हास्थायनाय गोरबोआवनो
फिरायफिननांबाय.........!
गोसो लोरबां दाजा जोहोलाव
जोंहा हारिया मेगन गेवाखै जोहोलाव
दासो आखाय-आथिं सोमावनो रोंहांदों
जोंहा बर'नि नखरा ओंखाम खबसे
मोजां मोनजानो रोङाखै जोहोलाव
दासो थाबायस्लिंदों
समनि फाख'नाव मुगानि थान्दै नों
गोसो लोरबां दाजा जोहोलाव
हारिखौ सिगां फारसे आखाय हमनानै लांनो
दाबोनो मोजां थाबायनो रोङाखै
लामा ससेयाव आदानि हगारोब्ला
आखाय बायगोन आथिं दुलुगोन
देहा सोलेराव बिसनि आगाद जागोन।
मालायनि गाज्री मुं सुनायखौ दाखोनासं
मालाया नों बायदि थाबायलांनो हायाखै
बुंनो थाङोब्ला बिसोर मेगन खाना
नुनानैबो नुयै बायदि,
मिथिखानानैबो मिथियै बायदि
नोंनि मावथाइखौ दाबोनो सिनायनो हायाखै;
नै गोदान मुगानि जोहोलाव प्रमद बर'
नोंनि थांखि होसोनाय
हारिनि जे हाबा मावनाय
थारैनो गासैबो बाख्नायजाथाव
नोंनि हाबा मावनायफोरा
हारिनि थाखाय बिहोमा होगासिनो
जों बर' हारि, लाइमोनफोरा
नोंनि गोथार सानस्रिखौ बरायो,
बड'फानि गोथार सिमाखौ
मोगथां महर होनो
नोंनि सिगां फारसे आगान सुरनायाव
जों जेब्लायबो लामानि जेंसिखौ
फारि-फारि बोखारलांफानो नाजागोन
थौ सिगां फारसे जोहोलाव
दङ' जों नोंनि सेरावनो उन-सिगां
आगदा-आखि सा-खोला, सानजा-सोनाब
सिगां फार्से आवगाय थौ, सिगां फारसे थौ;
जाय नोंखौ गाज्री मुं सुदों
बे सुबुङा मालायनि-गावनि
मोजां मावजानो लुबैखाया
बिखौ लानानै जिंगा सिनांगौ गैया
गोसो लोरबां दाजा जोहोलाव
सिगां फारसे आवगायलां
बादायारि जुगाव उन फारसे जाना दाथालां
बड'लेण्ड बिग्रायारि नों जोहोलाव।
खाफालाव गैया-गैया
खाफालाव गैया-गैया
बे जोनोमाव नोंजों आं संसार जाखाया
बरादआव थाबा-थाबाय
गैयाब्ला नोंजों आं नेवसि जाखानाय
बरादआव गैयाब्ला आं नोंखौ मोनखाया
नोंखौ आं जबरदसबो लानो सानखाया
आरो नोंनि गोजोनखौ नेवसिगारना लानोबो साना।
जायखौ आं मोजां मोनोमोन
एरैबायदि सासे आज्यो दंमोन
जायखौ आं गोथार गोरबोजों हास्थायोमोन
बावनो सानब्लाबो बावनो हाया
रायदावा नंब्लाबो ओरैनो थानो हाया
बेनि सावगारि महर मोखां नुब्लानो
आंनि गोसो गोरबोआ माबा जानाय बायदि मोनो
जायखौ आं खाथियाव लोगो मोन्नाय बायदि मोनब्ला
बुर्लुंबुथुर दैमाया आंखौ बुखारलांनाय बायदि मोनो
नाथाइ........!
जाय़खौ आं हास्थायो
बिखौ आं जोनोमावनो मोनथावखाया
जायखौ आं नोजोर नाङो
बियो आंखौ माब्लाबाबो गनायना लाखाया
बे जोनोमाव मादि बराद लाना उजिदों आं
जायखौ मोना बिखौ आं हास्थायफ्लाङो।
फैगोन जोनोमाव नेना थागोन अनजालि
नोंजोंनो सनानि संसाराव जानो जुलि
आंनि गोरबोआ बे जोनोमाव रावनिबो थाखाय
मोजां मोन्नायनि संसाराव दाजायाखै
खालिबोल' हास्थाय होयो सोरखौबा
सिमां हामाङावसो जुलि जाफ्लाङो माब्लाबा
सनानि संसाराव गेलेदों सानफ्लाङो एकमबा²।
बिग्रायारि लोगोफोर
बिग्रायारि लोगोफोर नुदोंना ?
आइनि गाबनाय
आइनि मिनिनाय
बेसेबांदि दुखुनि थफ्ला गिलिद बिबानखौ
दाबोनो बर' बिमाया बजबना लानांगासिनो दं ।
आइनि मोदै आइनि गाबनाय
माबोरै सहायनानै थानो हागोन
बिग्रायारि लोगोफोर?
हाया-हाया जों माब्लाबाबो
सहायनानै थानो हाया
गोथार थांखि जों
गोथार सिमां जों
बड'फानि बड'लेण्ड सोरजिनायनि मिजिंखौ
जों अरायबो जाफुंहोनो खौसेयै नाजालांनांगोन
बर' बिमानि मेग'नाव गनाय
दैमुनि दै बायदि बोहैनाय
र'र' बोहै गानो रोंयै मोदैखौ
सान्दुं जानानै जों गोथार थांखिजों रानहोनो नांगोन
नङाब्ला जों फाब नांगोन
बर' बिमानि गोरबो आव जोनोम मोन्नानै
बिमाखौ आलाय-सिलाय खालामोब्ला
जानांगोन जों इयुनाव लामानि बिबायारि महरै ।
आइनि मोदै साप्रोमबो बर'बिनानि मेग'नाव नुसै
दुखुनि मोदैजों मेगना सिग्लाबजोबनाय
बबे फिसाया बेखौ नुनानै
आलाय-सिलाय खालामनो सानखो
मा गोसोयै मा बिखायै
खबरदार बिग्रायारि लोगोफोर
जों बिदि खालामनो मोन्नाय नङा ।
आसारनि दुब्लियाव
ग'गेरेग'-ग'गेरेग'
गां बुब्राब-बुब्राब दावज्ला बेह्रा
सोरांफा-माफा हालुवाखौ फोजाखांदों
गं मेना-मेना मोसौ
है-हा, है-हा हालुवाया हाल होरनलांदों,
दैज्लां बोथोर हनै
माइ गायनायनि दुहुम
हाल एवनायनि दुहुम,
खोथिया थिलि-थिलि
माइनि दुब्लियाव
हाब्रु सारलायदों
दाहोना-रुवाथि एदाव लायदों
जायबा-जाय मावनाय-दांनायनि दुहुम
गावजों-गाव जंखाय लायदों ।
बारदै सिख्ला फैदों
अख्राङाव जोमै लाना अखा हादों
दैमा-दैसा दंग'-दंला लोमसाव बायदों
माइ दुब्लिया गोदान जिउ मोन्दों
माइनि बिदां खिलि बोदों ।
ह'ह'ह' गेनद्रानि लावथि सिबना हाल एवनाय
मेथाइ खनै-खनै
सनाथि-रुफाथिमोनि माइ फुनाय-गायनाय
दैज्लां बोथोराव मावनाय-दांनायनि दुहुमजों
दैज्लांनि दुब्लिया गोमसारखांदों
हायला-हुयला बारजों
माइ बिदाङाबो मोसाग्लांफादों
सुबुंनि जिउफोरा आबादजों जावरिखांदों ।
दैनि महर
सानसेबा अनफावरि
एखमबा इनाय-अनागारि
गिलु-बालु माब्लाबा राक्ष'सी
दैनि महर ;
सुबुंखौनो फोथांनानै लाखियो
सुबुंखौनो फोजोबस्रांनोबो नागिरो
मिथिगौ नोंहा आंगो थार महर गैया
जेराव थायो नों बेनिनो महर लायो
दैहुआव दोनबा दैहुनि
गिलासआव दोनबा गिलासनि
दैनि महरा सोमोनांथाव ।
दैज्लांनि समाव नांगौ नोंखौ
माइ आबादनि दुब्लियाव
एखमबा लोमसाव बोयो बिलो-बिलोमा
एखमबा बुखार लाङो न' बां
सानसेबा सुबुंखौ सुखु खालामो
माब्लाबा दुखुबो खालामफिनो
गाबनाय-मिनिनाय नों लाबोयो
रा रा रा रौ रौ रौ
बिखा फोरदान्नानै नों बुहुमाव सिनखाव बोयो ।
बेनो संसार
नोंनाव गैया आंनाव
आंनाव गैया नोंनाव
फाला-बदलखा
संसारालाय बिनोखा ।
न'खर गंसेजों संसार जानो हाया
मुलुगाव नोंनि-आंनि थिना दोन्नाय गैया
फाला-बदल राननानै जानो रोङाब्ला
नोंनि संसारालाय गोजोन्नाय गैखाया ।
हा, बार-दै, सान,आइ-आफा मिथिंगाखौ साखि लाना
सुबुं माहारिया धोनि-गोरिब जरा जुलि जायो
संसारखौलाय जों अनज्लायना राज्यो जायो
रुजु-रुमु जोंलाय बहुरूपी संसार मुलुगाव।
थायसे-थायनै,रां-रुपा धोनखौ लाना दुगा-दादु
बिफोरलाय दानो दं दानो गैया आखायनि मैला
बिफोरखौलाय मोनलांफाया जोंलाय थैबोला
जों मोनसे थावनिआवनो थाङो समआ फैबोला ।
सासेआ-सासेखौ अन्नाय हेफाजाब होनाया
संसाराव सासे सुबुंनि गोथार गुण,
गैजाया होन्नानै रावखौबो-राव दामुगै
संसाराव बयहाबो नांगौ बायदि गैजाखाया ।
गाबनाय-मिनिनाय सुखु-दुखुआ
संसारनि गिबि बिबानखा
जेन' बियो जिउ जोनोमजों
फैफाखानाय सायखं बायदिखा ।
आय' हाबाब संसारालाय बिनोखा
थैबालाय जों थाङो मोनसे थावनिआवनोखा
गासैबो जों आफा आनान गसायनिनो
अनजाथाव आंगो असे फिसाखा
गैयैखै जों रानना जानो सोलोंखा ।
हादर, हादरसाजोंल' राज्यो खुङा
हादरमाजोंबो लोगो नांना हादर दैदेनो
बेखौलाय बयबो मिथिखा
संसारालाय बेनोखा ।
जिउनि लोगो नागिरै-नागिरै
जेराव-मेराव सोंबाय नोंनि थं
खिन्था रोङा रावबो नोंनि थावनि
गोरबो बिखा बायग्लियो नोंखौ नागिरै
दङ'आं नोंखौ नेना हांमा सुरै-सुरै ;
बबे राज्योआव थांखो नों रजे
आंखौ नेवसिना हारसिङै?
बावगारनो हानाय बेसादमोनब्ला
गोरलैयैनो नोंखौ बावगारगौमोन रजे!
बावनो-बावनो सानब्लाबो
नाथाइ हाया बावगारनो
गोसो गोरबो बिखायासो दोहो-दोहो मोनसिनो
नागिर बायै नोंखौनो
गोरबोआ मेंग्लिहाबसै रजे ।
ऐ अनजालि......!
गाबज्रि हरदों आं नोंखौ मायनाव
बबाव दं नों
बहा थांखो?
नोंजोंनो नेवसि जानाय आंनि जोनोमा
बुरखायनो हायासै आं गावखौनो
गोरबो बुरब्ला-बुरब्ला गाबदों आं रजे
दिनै आं नोंखौ मोनैयाव ।
सार-अन्थाइ बारहुंखा जाना
सिमब्रोे लाङो नोंनि रोमै-रोमै
गोदै मिलौहाब खोनाफा-माफा रैसुमै गाराङा
गोसोखौ बोदोर खालाम लाङो सिमांनि सायखङा;
जिउनि लोगो नागिरै-नागिरै
नोंनि फिथिखा मोनैयाव
जानानै दङ' आं साहारा बालाहामा
फिस्रि फैदो रजे
नोंनि रैसुमै गारांजों
आंनि रानस्रावना थानाय गोरबो बिखा ।
मोदै हुगारै-हुगारै सानसे जै जागोन
सुबुंनि जिउ दिङाया सुखु-दुखुजों बुसोम जानाय
मुलुगाव सुखुखौ नागिरना सुबुङा आलाइ-सिलाइ
जायखौ लाना भुमआव सुबुङा भाव खालामो
सानसेबा गाबनांनाय सानसेबा मिनिनांनाय
आय'...! बिनोदि गसाइनि गेलेनाय मैया ;
दुखु-सुखु गोरबोआव लाना
गाबनाय मिनिनायखौ बिखायाव बजबना
जेसेबांखि खैदां खैफोद फैया मानो
जेसेबांखि निखावरि जाया मानो
दुखु खस्थजों सौसिनानैब्लाबो
मोदै हुगारै-हुगारै सानसे जै जागोन
जेब्लायबो गोजोनाव थानो नाजागोन ;
दुखु-सुखु सुबुंनि लोगो
गाबनाय मिनिनाय जिउआरिनि फारि
जोनोमजों लोगोसे फैफा खानाय
जेन' बियो सायखं बादि
जायखौ नेवसिनो सानब्लाबो नेवसिनो हाया
सुखुआव थाब्लाबो बावगारनो हाया
आय' मोदै माबोला दि बोहै बोयो बुंस'नो हाया
थेवबो मोदै हुगारै-हुगारै सानसे जै जागोन
बिनोदि सुबुंनि जिउ जोनोमनि बान्था ॥
आं जोहोलाव
गोदान जुगनि आं बर' जोहोलाव
थांखिया आंनि हारिखौ
थांखिया आंनि बर' बिमाखौ
बुहुमाव जेब्लायबो सिनायथि होनाय
हारिखौ गेरेमसा महर होनो नाजानाय
थांखिया आंनि हारिखौ
अरायबो गेरेमसा महर लाखिनायनि फोथाराव ;
बर' हारिआव जोनोम मोनबाय आं जेब्ला
बर' बिमाया आंखौ जोनोम होबाय जेब्ला
बर' बिमाया गोर्बोजों खांबाय अब्ला
नाजालांगोन आं हारिनि थाखाइ
जुजिलांगोन आं समाजनि थाखाइ
मोजां हाबा मावनो
हारिखौ गेरेमसा महर जौगा होनो ;
गोदान मुगानि आंबो सासे बर' जोहोलाव
थांखियाव सौहैयागौमानि जुजि लांगोन आं
बर'नि आगोमा फिसा मुंख्लं बिर
दैमालु,सोमदोन,बिरगोस्रि, बड'फा
जोहोलाव-जोहोलावजोफोर मोनबादि जेब्लायबो
हब्रा-हब्रा जोहोलावमोननि मुंखौ लानि अरायबो
आं जोहोलाव...!!
थांखियाव जेसेबांखि निदान खैदां खैफोद फैया मानो
बर' नि बिर मुंख्लं जोहोलाव-जोहोलावजोफोर नि
गोहो लाना जुजि लांगोन
आं जोहोलाव...!
जै बर'हारिनि ।
साथा गंसेआव जों सानैजों
आसार, सावोन दाननि अखा जुब-जुब हाबोला
फ्लाम-फ्लिम खुरुरुम-खुरुरुम अखा खोरोमब्ला
साथा गंसेआव जों सानैजों
गिहां-बागदावहां-खारहां-गोबाहां
नों हमलाय आं हमलाय साथा गंसेजों
मिनिबाला मिनि खैरो-रो
नोंनि गोजा गुसुथिनि जारौ रौजों
खुदुमहां-अरख्लाबहां
आंखौ बुंनाय बै रावफोरा
बिस गोनांमोन नोंनि बै सोदोबफोरा
बेसेबांदि गोदै बेरे मोदैमोन नोंनि बै बुंनायफोरा ;
बेरे रुंनाय बायदि रुंग'लांबाय नों
दाव बिरग'लांनाय बायदि बिरग'लांबाय नों
हांमा दुखु दाहा होलांबाय आंखौ नेवसिना नों
फोथायथेबस' खालामलांबाय रादायखौ गावनि नों
जाहैबाय संसारखौ गुबुनजों आलासि-सिलाय नों ;
जेबोला मोनाबिलि समा जाबोयो
गंङिया दैसानि माथावरि सेर-सेर
होमब्ला आं आलादिङा हारसिङै बेरायो
अब्ला सोनाबनि फारसे साना जारां महर लायो
बै जारां साननि गाबखौ
जोमैनि सेर-सेर जारां महर गाब गाबोनायखौ
नोंनि खाफालाव आं सिन्दुर साजायफ्लाङो,
मोनाबिलिनि समाव जेबोला हाथर्खि हाला नुजायो
आंनि जुलिनि देंखोआव बिखौ
राज्यो राजा रंजाना थुलुंगा होदों होन्ना आंखौ
हाथर्खिनि मोदान्नायखौनो फरखा गावदों आं सानफ्लाङो ;
थारैनो सैथोमोन बै समनि मोजां मोनज्लायनाया
साथा गंसेआव जों सानैजों रादाय खानाया
जाखां फैयो सिमां मोखथां
रायदाव फैयो सिमां-हामां
दाबोनो बै साथा गंसेआव
लोगो मोन्नाय जों सानैजों ।
गोजाननि हाजोआ समायना
नायनोलाय गोजानै समायना-रमायना
गोजौ गाहाय लारि-लारि
गोजान-गोजानै सारि-सारि
सोमखोर गोथां गाबै जोबोर इनायनो हायना
खाथियाव नुयोबोला जोबोर दुथुनांथावना
खुथु-खाथ्रा अन्थाइजों हाब्रां हाथां ;
बिबदिनो गोजाननि सिख्लायाबो नायनो महर मोजां
देलायनायाबो थाम्फै बानो हायै आजां-गाजां
गोजानैलाय नुहरदों आकल मोजां
महरआवलाय नुदों समायना-रमायना
खाथियावबा मा बादि बुंनो हाया बिनि आकल
जेरै गोजाननि हाजोआ समायना
गोजाननि महर मोजां सिख्लायाबो हायना
खाथियाव नुब्लासो बिनि थार महरखौ नुयो
खाथियाव लोगो मोनब्लासो बिनि आकलखौ मिथियो
गोजाननि सिख्लाखौलाय गोसोजों समायना दानु
गोजाननि हाजोखौलाय समायना दासान
महरआ बिसिनि आजां-गाजां गिथावना
गोजानैलाय मुहि होयो बिसोर नोंनि गोसोखौ
खाथियाव थांङोब्ला खालामो बिसोर सोफै-सोफै नोंखौ ॥
" थाखो-थाखो सना "
नांगौ नोंनो दखना जाबखो-जाबखो
हाबाब नांगौ नोंनो सना थाखो-थाखो
गाननो नोंहालाय जायगा गैलिया
खामानि दामानिआवबो उदाय रोंलिया
नांगौ नोंनो थाखो-थाखो सना सोखो-मोखो ;
हौवायालाय मावदों सरकारनि साख्रि
हिनजावआलाय जादों न'नि माइ बाख्रि
हौवाया दानफायाव मोनो बिथन 40 रोजा
हिनजावा बाहायो दिनाव 5 रोजा
लुनोलाय रोंखाया न'आव इनदिनि सि थावख्रि ;
न'खर जौगानाय फारसे जेबो साननो रोंला
गथ' गथायखौ मोजां आखु दानायनि सिमां गैला
नांगौ बिनो जाबखो-जाबखो सना
नांगौ बिनो थाखो-थाखो दखना
हौवायासो सानै-सानै सेह्रा गैला ;
दिखार नांबाय हौवाया जौ लोंबाय
एमाव राजाया दावखोना दावराव जाफैबाय
गोजोन नखरआ थेर-बेथेर जालांनोसै
साख्रियाबो जोबहां-जोबहां जोनोसै
दुखु-दाहाफोरा बिखायाव बासा बोबाय ;
जुलि जागोदानाव रुजु-रुमु संसार जादोंमोन
दावदै बादि बायसि ² गथफोरबो खांबायमोन
अनज्लायनायनि नेरसोना गोमोर लांनो हमबाय
दुम-दाखाल नखरआव साफिबाय
सिबाया खस्तजों सोरखिनानै फैदोंमोन ॥
गाबै-गाबै मिनिनाय सोलों
दुखु-दाहा जानानैलाय मा जानो
मोदै हुगारै गाबैलाय मा मोन्नो
जेराव बरादआनो बिनो
नोंनि भुमनि भावथिनायानो बिनो
सुखुखौ नागिरना रावबो मोना
सुखुआ नागिरनानै मोनग्रा बेसाद नङा
खालिबोल' नोंनावल' दुखु नङा
संसाराव बयहाबो दंखायो सुखु-दुखु ;
गाबै-गाबै मिनिनाय सोलों
मिनियै-मिनियै गाब
गावखौनो बावगोमालांजासे दागाब
दुखु फैब्ला नों जुजि दुखुजों
गाबनाय फैब्ला नों मिनि मोदैजों
सानसे सुखु मोनगोन
सानसे दुखुआ नोंजों जेन्ना लाजि नांगोन ;
नोंनि जिउआ नोंनि आखायाव
सुखु-दुखु बजबनांगौआ नोंनि गोर्बोयाव
मेलेमखौ उन नोंनि गोग्गो सोलोंथाइजों
मेलेमनि दाहारखौ बाहाय नोंनि गियान सोलोजों
सानसे गोदै फिथाइ थायगोन
दुखुआ गाव हारसिङैनो आनज्रायलांगोन
सुखुआ गावनो आलो-आलो फैगोन
आरोलाय मा........!
आखाइ दं आथिं दं
गोहो दं बोलो दं
मानिलाय आरो दाहा दं ?
थांना थानो भुमआव नोंहाबोथ' मोन्थाय दं
गाबै-गाबै मिनिनाय सोलों
मिनियै-मिनियै गाब ॥