05 जानु 2018
 |
| जोंसार बर |
@उन्दै-उन्दै बैसोआव हाबा, जानायनिि जाहोन ।
उन्दै-उन्दै बैसोआव हाबा जानायनि जाहोन : ~~
जों बयबो मिथिया नंङा मिथिगौ जे भारतनि संबिजिरआव हौवासानि हाबा जानायनि बैसोआ 21 आरो हिनजावसानि बैसोआ 18 बोसोर बैसोनि गोजौआव रोखा लिरनाय दं नाथाइ 18, 21 बैसोआवनो हाबा जानांथारनांगौदि बे नंङा जानांगौबासो बे बैसोआव । हाबा होन्नाय सोदोबा एबा जुलिया मानसि महरै एबा सुबुं माहारि जानानै सानसे नंङा सानसे जुलिया जाखागोन बियो समाजनि नेमखा नाथाइ दानि समाव माखासे लाइमोनफोरा भारतनि संबिजिर नेमखौ नेवसिदों उन्दै बैसोआव
हाबा जानाया समाजनि बेरेखा जादों । बुंनो थांङोब्ला बर' हारिनि थासारियाव बर' हारिनि समाजाव नुनो मोन्दों जे बैसो जायै समाव उन्दै-उन्दै समावनो थाब हाबा, (जुलि) जानानै नखर दानाय एबा संसार जानायखौ । बिफोर जेंनाया माब्रै सोमजिखो? गोबां बर लायमोन सुबुंफोरानो उन्दै बैसोआव जुलि जानानै गोबां खस्थ जेंनायाव बुगिनांनायखौ रोखा-रोखा मेगन थायनैजों खोमा फारनैजों नुगासिनो खोनागासिनो दं । जायनि जाहोनाव दिनै उन्दै बैसोआवनो हाबा (जुलि) जानानै बिमा-बिफाजों गावस्राना आलदा नखर दादों गावनि जिवखौ आस'खान्दा खालामनानै लादों । बिमा-बिफानि मेगनआव दुखुनि मोदै बोहै होदों बिमा-बिफाखौ लाजि फोनांहोदों । बिमा-बिफायाबो बिसोरखौ बुजायनो हालिया माब्रै हानो । बि उन्दै बैसोआव हाबा जानाय जेंनाखौ रैखाथि होनो गोबां सुबुं एबा आफाद दादों नाथाइ जेंनाखौ फोजोबनो दिनैसिमबो हायाखै आरो हानायबो नंङा माब्रैथो हानो गुबुन दाबसे जायगानिफ्राय । आंनि सान्नायाव बि जेंनाखौ सोरबा सुबुं एबा मबेबा मोनसे आफादा माब्लाबाबो सुस्रांनो हाया होन्नानै आं सानो । बिफोर बादि जेंनानि जाहोना गोरलैयै सोमजिदों माब्रै? बि जेंनाया सोमजिदों गाव-गावनि गामि गावनि ओनसोलनिफ्रायनो, मोनसे गामियाव सेंग्रा-सिख्ला आफादनि मोनसे समाज नेम खान्थि दं बे सेंग्रा सिख्ला आफादनि सांग्रांथिआ लोरबांथि गामिया सांग्रांथि गैया बिफोरनिफ्रायनो सोमजिदों उन्दै-उन्दै बैसोआवनो हाबा जानायनि जाहोन । दिनै मोनसे गामिनि सेंग्रा सिख्ला आफादा सेंग्रा सिख्लानि समाज नेम खान्थिया गोख्रों सांग्रांथिमोनब्ला बि जेंनाया माब्लाबाबो सोमजिनाय नंङामोन जुदि सोमजिगौमोन अब्ला बियाव माबा मोनसे गोब्राब हाबा जानो हायै समाजनि नेम दानानै दोननो हागौमोन । बिफोर बादि जेंनाखौ फोजोबनो थाखाय बबेबा मोनसे आफादा गोरलैयै हाया बिखौ हागोन गोरलैयै गामिनि सेंग्रा सिख्ला हानजाया गोरलैयैनो फोजोबनो । गासैबो उन्दै-उन्दै बैसोआव हाबा जानायनि जाहोना सोमजिदों गामिनि थासारिनि सायाव गामिनि लोरबांथिआव गामिनि सेंग्रा आरो सिख्ला हानजानि सायाव गामिनि समाज नेम खान्थियाव । गोबांङानो मबायलजों बिफोरखौ सोमजिदों होन्ना बुंदों नाथाइ बे नंङा नंगौमोन गोसो थोलायनोसो नाथाइ हाबाखौ मबायला खालामाखै सुबुं माहारियासो । सोरबा गामियाव मिथि मोनै सेंग्राया सोरबा सासे सिख्लानि नखरआव हाबैबा बिखौ नोजोर होनांगौ आंगो-सांगो हमनानै हरबानो जाया बियो गोरोन्थि । नोंनो हमनानै हरगोन गावनिनो फिसा गोदाव सोराव जाहैगोन । बै सेंग्राया बे सिख्लानाव थांबाय थानायखौ नुयोबा बियाव गामिनि सेंग्रा आरो सिख्ला हानजा ज' जानानै नखरखौ सोद्रोम गियानजों बुंनांगौ अब्लानो सुस्रां जागोन उन्दै बैसोआव हाबा जानाय । हरखाब बिखौ हमनानै हाबा होनायानो भारत संबिजिरनि नेमखान्थिखौ गावनि गामियानो नेवसिदों गावनि गामियानो उन्दै-उन्दै बैसोआव हाबा होदों । गावनि गामियानो समाजनि बेरेखा हाबा मावदों । उन्दै बैसोआव गिबि हाबा जानायनि जाहोना गामिनि सायाव ।
बिनिखायनो आं सानो बिफोर जेंनाखौ गोरलैयैनो फोजोबनो हागोन सुस्रांथारनो हागोन आरो हाथारगोन गामिनि सेंग्रा आरो सिख्ला हानजानि गोख्रों समाज नेम खान्थिआव गामिनि अनज्लायनाय आरो खौसेथियाव गामिनि गोख्रों समाज नेम खान्थियाव गामि दैदेनगिरिनि सायाव । बिफोर जेंनाया लासैयैनो गोरलैयै जोबस्रांलांगोन बर हारिनि समाजाव गोग्गो नेम खान्थिया सोमजिगोन बर लायमोन एबा बिमा-बिफानि सायाव सुखि गोजोन फैगोन गोजोन नखर जागोन बर हारियाव रोंगौथिया बारायगोन बयबो मोजां जागोन आरो बयबो बाख्नायगोन ।।
