,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
17/आगष्ट/2017
रादाय होनाय नोंनि अनजालि
दंङ' आं नेनानै नोंखौ समायहोनो
गोजा गुफुर आसान सांखा सिन्दुरनि गाबजों
समायना-रमायना नोंनि गावदां अखाफोर महर
ददेरे हायना गोनां खाफालखौ ।।
हाथासि जिउनि दख'थायाव नोंखौनो नेनानै दं आं
साया माया नैबे फैलाव गुवार बुहुम बिखायाव
रुजु-रुमु सानैजों बड'लेण्ड राज्योआव
सनानि गंसे नखर दानानै
संसार जालांनो ।।
दुखु दामोन नोंङो गाज्रि दामोन नोंङो जावले-जावले
खनले-खनले जुलिनि रादाय सोंनायखौ
नोंनो आंनि जिउ नोंनो आंनि
लक्षि इसिं खनानि मायनाव ।।
गोजा गुफुर आसान सांखा सिन्दुरनि गाबखौ
नोंनि आखाइ आरो खाफालआव गानहोनो, थुनो
जेब्लाबो नेनानै दंङ' आं नोंनि राजखुंगुर राज खान्द्रा
जानानै सिखोना जाहारनि हाजो खंख'राव
जिंगा सिहाब सिहाब नेनानै ।।
अनसुलि बर' बिमानि गोर्बोआव जोनोम मोन्नाय
नों लाइमोनखौ
महराव जेना आकलआव जेना दानाय
लुनायाव गेजेन नंङै बे जोनोमफुरि
गामिनि हायनागोनां महर गोसा सिख्ला
नों आजोलि दद्रेद्रे अनसुलिखौ ;
सिमां-मोगथां साया-माया नुसै जुलि जानाय नोंखौ
गोजा गुफुर आसान सांखाजों बालेंलें नोंनि
ददेरे हायनागोनां महरखौ गाब गाहोनाय ।।
रादाय होनाय नोंनि अनजालि
दंङ' आं नेनानै नोंखौ समायहोनो
गोजा गुफुर आसान सांखा सिन्दुरनि गाबजों
समायना-रमायना नोंनि गावदां अखाफोर महर
ददेरे हायना गोनां खाफालखौ ।।
हाथासि जिउनि दख'थायाव नोंखौनो नेनानै दं आं
साया माया नैबे फैलाव गुवार बुहुम बिखायाव
रुजु-रुमु सानैजों बड'लेण्ड राज्योआव
सनानि गंसे नखर दानानै
संसार जालांनो ।।
दुखु दामोन नोंङो गाज्रि दामोन नोंङो जावले-जावले
खनले-खनले जुलिनि रादाय सोंनायखौ
नोंनो आंनि जिउ नोंनो आंनि
लक्षि इसिं खनानि मायनाव ।।
गोजा गुफुर आसान सांखा सिन्दुरनि गाबखौ
नोंनि आखाइ आरो खाफालआव गानहोनो, थुनो
जेब्लाबो नेनानै दंङ' आं नोंनि राजखुंगुर राज खान्द्रा
जानानै सिखोना जाहारनि हाजो खंख'राव
जिंगा सिहाब सिहाब नेनानै ।।
अनसुलि बर' बिमानि गोर्बोआव जोनोम मोन्नाय
नों लाइमोनखौ
महराव जेना आकलआव जेना दानाय
लुनायाव गेजेन नंङै बे जोनोमफुरि
गामिनि हायनागोनां महर गोसा सिख्ला
नों आजोलि दद्रेद्रे अनसुलिखौ ;
सिमां-मोगथां साया-माया नुसै जुलि जानाय नोंखौ
गोजा गुफुर आसान सांखाजों बालेंलें नोंनि
ददेरे हायनागोनां महरखौ गाब गाहोनाय ।।