|
आलाइ-सिलाइ गोथै बारिआव
आयलि-जायलि खानाइ बिलाइ लानारावबो गोयै दरसिसि जायगायाव
नै आयै बर' बिमा मोदै रुखु-रुखु
दागाबसै नों आयै
हज्रि-हज्रि दागाबसै |
गोथै बारिअाव गाबनानैलाय नों आयै
आदाखौ बहा जों मोनफिनबावनो,
आयलि-जायलि फाग्लिबादि जानानैलाय नों आयै
नोंनि जिउनि फिसाखौ जों बहा मोनबावनो ;
साना फैसालिआव थांबाय आयै
फैदो न'आव थांफिनदिनि |
अ' आयै गोसो गोरबो बिखायाव
दुखुुनि थफ्लाखौ नोंं बिखुुंआव
दाबासै नों आयै
लेर-लेर दाबासै ;
नै नों आयै बर' बिमा जोनोमगिरि
नोंनि फिसाया हारिनि थाखायसो मुंख्लं जादों
नै नों आयै अनसुलि खांगिरि-बागिरि
नोंनि फिसानि मुंआ दाबो हारिनि गेजेराव
जोंथि जोंनाय अलंबार हाथ'रखिबादि
मुलुग संसार बुहुम बिखायाव
अरायबो जोंसार जानानै दं आयै
खोमसिसि नैबे बहरुफि जायगायाव
अरायबो जोंनानै दं |
नै आयै बर' बिमा जोनोमगिरि
नोंनि मेग'नाव गनाय गोजों मोदैखौ
आदानि गोजा दुंब्रुद बिखानि थै बावलांनायखौ
अनसुलि नों बिमानि फिसा जोहोलावनि
आद्रा थालांनाय थांखिखौ जों मोखथां
महरै जेब्लाबो खौसेयै जाफुं होगोन आयै ;
फै जों खौसेयै बर' बिमानि मेग'नाव
ग'नाय मोदैखौ अनज्लायनायनि थार
गुबै अहिंसानि मोन्थोरजों हुगारनि ||