सिमांनि रजे
खोमसि सि हरनि समाव
दानसोरां अखाफोर गावदां
हर गेजेरनि बयबो उन्दुस्रिनाय समाव
गिथावना सिमां नुदां
जोंथि-माथि संसाराव गिलु-बालु
मेगनआ उन्दुनो ओंखारदोंब्लाबो
मेगननि निनआ गैया जादोंब्लाबो
गोसोआ मानिथाराखै उन्दुनो
आखाय फायखननानै लिंहर बायदों
सिमांनि रजे
हब्रा-हब्रा गाबज्रि हरबाय बायदों
सिमांनि सैनाय
आंदि मा सिमां नुदों
गोसोआव बिबो एसे बुजिदों ;
संसारा थारैनो अनज्लायनाय गैलिया
गावनि होन्नाय एसेबो गैमारलिया
दुगा दुदों एसेल धोन-धौलदखौ लानानै
राजा जाबाय बायदों थायसे-थायनै रांखौ लानानै
आय! हाबाब सिमांङाव बिखौनो बागदावखांदों
सिमांङाव बिखौनो नुबाय बायदों
सिमांनि रजेआ बिखौनो बुरखाय बायदों
गोसोआ आंनि रजेनो बेखौनो फोरमाय गारदों
रां-रुफा धोन-धौलदआ सानसे-साननैनि थाखायल
बिखौ लाना रावबो दुगा दादु
नोंनि आंनि रावनिबो रावबो नंङा
एना-एनि रावबो रावजोंबो जानो नांङा
गासैबो जों बिमा-बिफा सासेनिनो
गासैबो जों बिदा-फंबाय,बिब-बिनानाव असे
सारा मुलुगाव नुनाय सुबुंङा असे गावनिनो
गोयैखौ अन बयबो एसे
नोंनि जिउआ दानदिसेनि थाखायल '
थास ' लाइनि दैजों समानल'
थैबोला थांङो जों मोनसे जायगायावनो ।
सिमांनि रजेआ हाजासे मोदै रुखु-रुखु गाबफ्लां गारदों
गोसोआ आंनि बिखौ बुरखायसो गारदों
दागाब सिमांनि रजे दागाब
सासे सानै बिदा फंबाय बिब बिनानावआ
सैलाया जानो हागौ
नोंल था गोजोनै
नायहर हनै दानसोरां अखाफोर गावदांङाबो
सुबुंनि एना-एनियाव नुजानो लाजिबाय
गावनि गुफुर गावदां महरखौबो दिनथिनो गिबाय
खाल फेसायाबो खोमसि हराव
मेव-मेव गाबनो गिगारबाय
सिमांनि रजे
आंखौ लाना दुखु दाजा
सुबुंनि सान्नैया गासैबो बिबदिनो गोजा
नोंल था गोजोनै ।
खोमसि सि हरनि समाव
दानसोरां अखाफोर गावदां
हर गेजेरनि बयबो उन्दुस्रिनाय समाव
गिथावना सिमां नुदां
जोंथि-माथि संसाराव गिलु-बालु
मेगनआ उन्दुनो ओंखारदोंब्लाबो
मेगननि निनआ गैया जादोंब्लाबो
गोसोआ मानिथाराखै उन्दुनो
आखाय फायखननानै लिंहर बायदों
सिमांनि रजे
हब्रा-हब्रा गाबज्रि हरबाय बायदों
सिमांनि सैनाय
आंदि मा सिमां नुदों
गोसोआव बिबो एसे बुजिदों ;
संसारा थारैनो अनज्लायनाय गैलिया
गावनि होन्नाय एसेबो गैमारलिया
दुगा दुदों एसेल धोन-धौलदखौ लानानै
राजा जाबाय बायदों थायसे-थायनै रांखौ लानानै
आय! हाबाब सिमांङाव बिखौनो बागदावखांदों
सिमांङाव बिखौनो नुबाय बायदों
सिमांनि रजेआ बिखौनो बुरखाय बायदों
गोसोआ आंनि रजेनो बेखौनो फोरमाय गारदों
रां-रुफा धोन-धौलदआ सानसे-साननैनि थाखायल
बिखौ लाना रावबो दुगा दादु
नोंनि आंनि रावनिबो रावबो नंङा
एना-एनि रावबो रावजोंबो जानो नांङा
गासैबो जों बिमा-बिफा सासेनिनो
गासैबो जों बिदा-फंबाय,बिब-बिनानाव असे
सारा मुलुगाव नुनाय सुबुंङा असे गावनिनो
गोयैखौ अन बयबो एसे
नोंनि जिउआ दानदिसेनि थाखायल '
थास ' लाइनि दैजों समानल'
थैबोला थांङो जों मोनसे जायगायावनो ।
सिमांनि रजेआ हाजासे मोदै रुखु-रुखु गाबफ्लां गारदों
गोसोआ आंनि बिखौ बुरखायसो गारदों
दागाब सिमांनि रजे दागाब
सासे सानै बिदा फंबाय बिब बिनानावआ
सैलाया जानो हागौ
नोंल था गोजोनै
नायहर हनै दानसोरां अखाफोर गावदांङाबो
सुबुंनि एना-एनियाव नुजानो लाजिबाय
गावनि गुफुर गावदां महरखौबो दिनथिनो गिबाय
खाल फेसायाबो खोमसि हराव
मेव-मेव गाबनो गिगारबाय
सिमांनि रजे
आंखौ लाना दुखु दाजा
सुबुंनि सान्नैया गासैबो बिबदिनो गोजा
नोंल था गोजोनै ।
