हाग्रामा महिलारी गाव हारिनि जानानै गाव हारिनि उदांश्री मोन्थाइखौ बिनो

हाग्रामा महिलारी गाव हारिनि जानानै गाव हारिनि उदांश्री मोन्थाइखौ बिनो ना गुबुन हारिनि जानानै गुबुन हारिनि ओंथि गैयै मोन्थाइखौ हेफाजाब होनो ?

                                   

 बिर जोंसार बर, 9859065187, 7 फेब्रुवारीः जेबो गोनो गोथो सान्नांगौनि दिनै मोनबो बाथ्रा, राव, सोदोब गैया बेखौ दुलाराय बर' माहारियानो मिथिखायोदि आलादा न'खर "बड'लेण्ड " राज्यो मोनाब्ला जों गोजोना । दुलाराय बर' माहारियानो दिनै गाव हारिनि उदांश्रीनि मोन्थाइखौ थाबैनो मोनफुंजानो लुबैयो गोसो गोरबोआव अरायबो हास्थायो । बोसोर बोसोर बारग'लांबाय बोथोर थांदों हालो-दैलो दिना थांदों खोन्दो-खोन्दो जरा लायै जरा दावसिन-दावला, सुबुं माहारिया जरा जुलि जालांदों बेरे-बेरेमा रुंग' लांदों थेवबो दिनै गोजोन्नाय गैयै संसार थासारिया आलाय-सिलाय सुबुं माहारियारिनि गेजेराव जानांदों । रोजा-रोजा बर'नि गेदेमा सुबुं दिनै थैनांबाय मुंख्लं जानांबाय खास्रि-बिस्रि गाबख्राव-गाबख्राव बर' आज्यो जिनाहारी खालामजानांबाय जाय बर' हारि उदांश्री मोन्थाइनि थाखाय । हाग्रामानि गोसोआव अनखांनाय गैला नामा ,हाग्रामानि गोसोआव गैला नामा दिनै थांनाय 1996 इं माइथायनि 18 जुनआव फ्रेमसिं ब्रह्मनि दैदेन्नायाव Bodo Liberation Tiger force (BLTF)खौ जोनोम होदोंमोन अदेबानि  BLT होन्नानै जायखौ मिथियो । बे आफादखौ गुबै दानायनि थांखिया मामोन ?  ना दिनैनि बे थासारि बड'लेण्ड नाङा होन्नायनि थाखायसोमोन ? सोंथि सोंलु सोंनांगौबा सानानो हर, हरआनो सान जोबनो थाङा ।

        दिनै गोरबोनाय समफोरखौ गोसो खांनो गोनां जायो बिदा-फंबायजों बुलायखांबाय आरो दाबो बै थासारिया महर लाहां हां नुयो, बर' हारिया बायदि-बायदि थासारिजों मोगा-मोगि जानांनानै मोनसेनि उनाव मोनसे गिदित अल'कदनि समाव बै समनि मानगोनां दानि RS नि बारग' MP मुस्रि उर्खाव गोरा ब्रह्म (सोलिफु मिरु UPPLनि राजखान्थि हानजानि आफादगिरि) बिथांखौ दुलाराय बर' फरायसा आफादनि आफादगिरि महरै गिलिर बिबानखौ जाबसिन्नानै होनाय जादोंमोन । बिथां दैदेनगिरि लाखांनायनि उनावनो BPAC, ABWWF, ABEF बायदि आफादफोरखौ दाफामफिन्ना बड'लेण्ड सोमावसारबोनायखौ गोख्रोंनिफ्राय गोख्रोंसिन खालामनायजों लोगोसे हारियारि दाङाबाजिनि अरखौ सुखुमोरना गोजोन थासारि लाबोनो नाजानाय जादोंमोन। गोलाव सम एबसुआ सुबुंदारा खान्थिजों गोख्रोङै सोमावसारदोंमोन आरो गुबुन फारसेथिं BLT आ बे रोखोमसे दाबिफोरखौनो लानानै हाथियारनि गोख्रों रोन नांदोंमोन ।  बिजाउनाव बड'लेण्डआ मोनसे गोब्राब थासारि सोमजिखांदोंमोन । 1999 मायथाइयाव BLT आ दावहा दोन्थनाय सुगथियाव सागान होनानै थामख'ना गोजोन सावरायनायाव बाहागो लादोंमोन ।  BLT हानजानि दाबिफोरा ABSU नि दाबिफोरजों एखे रोखोमनि जानायलाय बड'लेण्ड ओनसोलाव गोजोन थासारि लाबोफिन्नायनि थांखिजों थामख'नायारि गोजोन सावरायनायखौ मदद होनो थांखि लायो । BLT नि गोजोन सावरायनायखौ  सुबुंदारा खान्थि मदद होलांनानै मोनसे ओंथिगोनां फोजोबनाय लाबोनो थाखाय गुबुन गुबुन हारि माहारिनि आफाद आरो दैदेनगिरिफोरखौ लानानै CCBM मुंनि मोनसे गोख्रों आफाद दानाय जादोंमोन। फिथाइ महरै 2003 मायथाइनि 10 फेब्रुवारीआव BLT जों नैथि बड' गोरोबथाखौ सागान होना बड'लेण्ड हायुङारि खुंथाय (BTC) सोरजिनाय जायो। गोजोन थासारि लाबोफिन्नाय आरो मोस्लेर जालांनाय जौगानायनि थासारिखौ जिउ मोनखांहोफिननो दुलाराय बर' फरायसा आफादआ नैथि बर' गोरोबथाखौ गोसो गोरबोजों बरायना आलादा हादर बड'लेण्ड सोमावसारबोनायखौ दोन्थ'नो थांखि लानाय जादोंमोन । मोनसे थिउरिया हान्जानि सोमावसारनायखौ ओंथिगोनाङै फोजोबहैना हेफाजाब होखांनायनि उनाव दुलाराय बर' फरायसा आफादआ 2005 मायथाइआव NDFB आ फोसावनाय दावहा दोन्थनायखौ बरायनो थांखि लानाय जायो  । थांखि आजावना लानायनि उनाव गोबां खेब सावरायनायनि गेजेरजों दुलाराय बर' फरायसा आफादआ NDFB दैदेनगिरिफोरखौ आलादा हादरनि दाबिफोरखौ सोलायना भारत संबिजिदनि सिङाव आलादा हादरसा सोरजिनायनि दाबिखौ गनायना लानो खावलायनाय जादोंमोन। खावलायनाय लेखा बिथांमोननि मानगोनां दैदेनगिरिफोरा थांखि आरो नोजोरखौ गोरोबहोलायना सोमावसारलांनो रादाय खानायलाय थांनाय माखासे बोसोराव NDFB आरो ABSU आ जयैनो मोनसे गोख्रों सोमावसारनायाव आगान होफिननो हादों ।

       नैथि बड' गोरोबथा जायैनि सिगाङाव 1999 मायथाइनि सिगाङाव जेब्ला हाथियार दोन्थ'आखैमोन अब्ला हाग्रामा महिलारीआ जे गाव बिखा फोरदान्नानै गाव हारि बर' हारि उदांश्री बर' राज्योनि थाखाय BLT हानजायाव थानानै दहाय लायै-लायै सिलाइ गुलिखौ गावनि खुगाजोंनो अरनानै समायखिरा लानायखौ दिनै बावबायबो नामा ? गाव हान्जानि जोहोलावफोर मानि थाखाय थैलांनांखो बिखौबो बावबाय नामा ? मा बायदि गियान गैथारै मोनसे ग'लिनि लावखार गाव हारिखौ गुमनो रोङै जाखो । BPF हानजा जोनोम जानायनि गुबै महरा गाव हारिनि बेरेखासो नामा BPF नि संबिजितआवनो बर' बड'लेण्ड बिनायनि हेंथा नेम खान्थि जोनोमनिफ्राय दाखादोंमोन नामा ? बेखौ मोन्थिनांगोन दिनै जे माखासे बर' राज्यो राजा आइ आफामोना बिथांनि हानजाजों हेफाजाब होनाय मानि गाव-गावनि इयुन जोलैनी फिसा-फिसौनि संसारखौ अल'कदआव खोख्लैनानै होनाय । दिनै राजखान्थि हान्जाया दानो दं दानो गैया आइ-आफामोन जुदि बे हारिनि बेरेखा हानजाखौ हेफाजाब होयोब्ला नोंनो नोंनि लामाखौ थाबायनो हायै सु, जाबोर गारनानै लानाय जागोन ।

        दिनै थोंजों खोथा हाग्रामा महिलारी गाव हारिनि जानानै गाव हारिनि उदांश्री मोन्थाइखौ बिनो ना गुबुन हारिनि जानानै गुबुन हारिनि ओंथि गैयै मोन्थाइखौ हेफाजाब होनो ? बियो आं लिरगिरिनि बाथ्रा ,सोदोब नङा बर'नि सोमावसार हानजा दैदेनगिरिफोरनि बिबुंथिसो । BPF हानजाया दिनै बड'लेण्ड राज्यो दाबिनायखौ नाथकसो होननानै थांनाय दिनाव दिल्लीयाव मिडियानि सिगाङाव रोखा-रोखा बुंनानै जों BPF हानजानो बड'लेण्ड नाङा होन्नानै फोरमायदों । मा गिख्रंथाव राव बेलाय मासिबां दुखुनांथाव बर'नि थाखाय दिनै बड'लेण्डनि थाखायनो राज्यो राजाफोरा रोजा-रोजा ओंखाम रसा नांनांबाय रोजा रोजा बर' सुबुंफोरा थैनांबाय जेल जानांबाय न' बां सावजाबाय, बिथां हाग्रामा महिलारीआ बिखौ गोरलैयै थैथों सान्दों । 15 बोसोर BTC खौ दिनै बिथाङा खुंबोबाय बर' राज्यो राजानि मा मुलाम्फा हाबा मावखो फेरलेबसेबो मावाखै होन्नानै आं बुंनो हायो । अब्ला दिनै बिथाङा सोर? आरो बर' हारि माहारिखौ लानानै गोरलैयैनो राजखान्थि गेलेगासिनो दं बिखौ बर' राज्यो राजाफोरा सांग्रांथि जानांगौनि गोनांथि दं । बर' हारिनि सोबख'जानाय नासयजानाय आसाम सरकारजों बिमा बाथुलनि नोजोरजों नायजानाय हारि माहारिया बुहुमाव गेरेमसा महरै थांनानै थानांगौनि उदांश्री हास्थायनाय बड'फानि सिमां बड'लेण्ड राज्यो सोरजिनांगौखौ दिनै हाग्रामाया राजखान्थि गोहोआव थानानै द्रामा गेलेनो सान्दों आरो नाथक देखायदों लोगोसे गाव हारिनि मोन्थाइखौ नाङा लासे गुबुन मोनड' हारिनि जे ST बिखौसो बिथाङा होथारनांगौनि थाखाय हेफाजाब होगोसिनो आरो होथारनो जुजिगासिनो, आयौ मासेबांदि गिख्रंथाव जाय थाखानाय ST बे हारिया हासार जालांनायनि लामायाव बिखौ बर' राज्यो राजाफोरा बुजिनांगोन जे नोंथांमोननि माइरं गोरिब गुनद्राया BPL, APL मइरं मोनो बियो मोनैनि दिन फैगासिनो हाग्रामानि थाखाय, बे BPL, APL आ सोरनाव थायो ST फोरनावसो थायो बिनिखायनो सांग्रां जा राज्योफोर । बिथांमोना नुहराखै बिलदिङाव थानानै राज्यो राजाफोरा मा बायदियै नखर जिउ खाङो, बिखौ जों बुजिनांगोन आरो ST होनो नागिरनायखौ जों होबथाथारनांगोन भारत, सरकार आसाम सरकारखौ बादा होनांगोन ।

         हाग्रामायाबो बुजिनांगोन ST होन्नाय सोदोबा थाखा-फैसा, माइ, मायरं धोन-धौलद बिबानो होजालाबायनाय मोनसे बेसाद एबा मुवा नङा ,बियो मोनसे हारि माहारिनि आखाय आथिं जिउ सोलेरसो । आसाम सरकार हिमन्त बिश्व शर्माया जेखौ खालामनो थिनदों बिखौ खालामबानो जाया मानगोनां हाग्रामा, ओरैनो बिसोर दिनै बर' हारिखौ बुथारनो थांगासिनो नोंबो बिखौ सान्नांगोन लोगोसे नोंथांआबो थैफानायनि लामायाव थिकेथ दान्नोसो थांगासिनो बिखौ मिथिखा ।

       दायो आरो हारिनि सोलिफु गोबाव सम आखायाव हाथियार लानानै सोमावसारग्रा बिग्रायारि हान्जा NDFB गायसंथायनि आफादगिरि मानगोनां रनजन दैमारी जायखौ आफादआव दिआर नाब्ला होन्नानै मिथिनो मोन्नाय जायो, बिथांखौ दिनै ओरै नङा हरै, हरै नङा ओरै बुरब्ला बुरसि CBI नि गेजेरजों जलदब हाखराव जोख्लायबाय बियाव 100% राजखान्थियारि आखाय दं होन्नानै मिथियो जों लोगोसे नों महिलारीया बुजिनांगोन जाय हारिया गुबुनजों अस्थासार खालाम जायो बे हारिया सहायनो हायैआव

हाथियारनि हेफाजाब लानो गोनां जायो ,जाय हारिया गांनाय-उखैनाय सुफुंना होजाया बे हारियाव सिखाव ,सोमजियो नाथाइ नङादि बे सिखावआ गाज्रि आखुनि ,गाज्रि गोसोनि निसय नोंबो बेनि गुनखौ बै समाव मोनबोखाबाय । बेसेबांदि गोजोन थासारिजों दिनै गोजोन बर' हारिनि उदांश्री बड'लेण्डनि थाखाय भारत सरखारजों गोजोन सावरायनाया जागासिनिमोन बे बायदि सावरायफुबायथानायाव माब्रै दिनै हरखाबै जेलाव सोखो बियो माब्लाबाबो जाथावा आरो बिखौ जेलावबो सोजाथावा, जाय आफादा हारि उदांश्रीनि थाखाय जोनोम जादों आरो हारिखौ रैखाथि होदों । जानो हागौ बे सोलोआ थारौनो बर' माहारिखौ फोजोबथारनायनि मोनसे गुबै आखु,, रोखा-रोखा फोरमान मोनो जों, टिभी सेनेल मिडियानि गेजोरजोंनो जेब्ला बर' आ जेरै NDFB हमजायो अब्ला मास मोनसे हगारना होयो, जेब्ला बर'नि मोजां मोजां रादाब 1 मिनिटबो टिभीआव नुवा,,, अब्ला दिनै बिफोरखौ नुना BFPआ मा सानदों ? गले गले सोंथि सोंलु बेरखांदों गाव हारिनि जानानै गाव हारिनि उदांश्री मोन्थाइखौ बिनो ना गुबुन हारिनि जानानै गुबुन हारिनि ओंथि गैयै मोन्थाइखौ हेफाजाब होनो ?

         दाबो सम दं हाग्रामा महिलारी नोंथांमोननि फार्टि Alians जानायखौ जालदाब नागारनानै गाव हारि बिदा फंबायजों गोरोब लायनानै आखायजों आखाय बिखाजों बिखा बजब लायनानै गावहारिनि उदांश्री मोन्थाइखौ बिनानै लानो आरो अरायबो हास्थायो नोंथांमोनखौ गाव हारिनि हाबा मावजानो ।

       दिनै ससियेल मिजिया फेसबुक, अवाटसएब खुलिनानै नाय नोंथांमोननि गाज्रि गाज्रि फस गाज्रि बुंनाय रायनाय, हारिनि मोजां मावब्ला मोजां मोनजागोन, गाज्रि मावब्ला गाज्रिनि फिथाइखौ मोनजागोन, दिनै नोंथांमोना हारिनि मोजां मावनायमोनब्ला रावजोंबो सोंखारिजानाय नङामोन, ससियेल मिडिया खुलिनाय लोगो लोगोनो नोंथांनि गाज्रि सावगारिखौ नुनाय नङामोन । बिनिखायनो बे थासारि आरो समा नोंथांमोनखौ खावालायदों थाबैनो नोंथांमोनि गुबुनजों हेफाजाब जानायखौ फिरायनानै थाबैनो लाफिन आरो गाव हारिजों खौसेयाव फै, जुदि फैया आरो फिरायनानै लाया सान्नानै लादो नोंथांमोना गोथैफुरियाव राजखान्थि गेलेगासिनो । एसेनोसै गोजोन्थों।